ماخاب من استشار.. :((

[RHF]

هااي روبي ،

شايفة كل اللي قبلي كتبو الكلام المهم ،،

انتي فكري في الايجابيات و السلبييات ، وكيف الشغل بعدين ،

الصراحة الدراسة هناك احسن من عندنا و كمان البيئة احلى وارقى ، وحتحسي براحة وانتي تدرسي وكلو يعرف بعض

بس انتي ما شاء الله ما باقيلك كتير !!! يعني ما احس حيهمك البيئة الدراسية ،

ممممممم بالنسبة ليا ااشوف انو عفت احسن ، تروحي تطوري الانقلش في السنة دي ، وبعد كدا تعادلي المواد ، وتدرسي في كلية حلوة ، واتوقع حتكوني احسن من اللي عندنا ،

لانو هناك الانقلش اكتر ، خصوصا انك انتساب يعني دراستكم مو زينا دحين انقلش و كدا ،

صدقيني هناك احسلك من ناحية الانقلش وانتي عارفة الدنيا كلها سايرة انقلش في الوظايف ،

اما بالنسبة ايش الاضمن لك لمن تتخرجي ، الصراحة ما اعرف ، !!!

//

اخر شي باقولو لكي ، ازا انتي خلاص باقيلك تلات اترام والى الآن ما اقتنعتي بعزوز احسلك تنقلي منها

عشان ما تتخرجي وانتي متحسرة على نفسك انك اتخرجتي من جامعة ما تبغيها وما تحبيها ،

والله يكتبلك اللي فيه الخير :)