عن المواد الحرة .. للإستفادة و تبادل الخبرات /~

[نــورهـ]

المشاركة الأصلية كتبت بواسطة shahoooda د.نورة ... الحمد لله المواضيع مشيت اليوم تمام بس الفرنسي خايفة منو .. هما لسة ما اضافولي هوا بس ابغا اتأكد من سهولة المادة قبل ما اراجعهم بكرة ان شاء الله .... لانو في بنات قالولي حكتب تعبير بالفرنسي :(

- حياكِ الله أختي shahoooda ،،

- تعبير الفرنسي مو أكثر من أربع جمل تتكلمي فيها عن نفسك كالتالي ~

- تكتبي اسمك و جنسيتك و مهنتك و عمرك و طبعًا بتعلمكم كيف قبل الاختبار و مستحيل تجيب شيء ما شرحته لكم لان الاستاذهـ بتراعي ان اللغة جديدة عليكم ، اذا المادة نازلة مع أستاذهـ عفراء جدًا رائعة و قبل كل اختبار تعمل محاضرة مراجعة و تحل معاكم الواجبات و تستقبل أسئلة الطالبات في أي وقت ،،

- المادة تحتاج مذاكرة أول بأول و ممكن في البداية ما تحبيها لكن بتتعودي مع الايام ، المادة بتكون سهلة لو اجتهدتي و ذاكرتي أول بأول و بتكون العكس لو أهملتيها ،،

- أعتذر طولت عليكِ ان كان عندك استفسار حياكِ ،،

- موفقه يا رب ،،