دعونا لا نقتلها...

[bent mankoosha]

وانا من خلال هذا الموضوع استأذن من الجميع بأن اقوم بتعديل اي خطأ املائي وارجو ان لا ينزعج الاعضاء مني

اول شي انا اللي أشكرك يا عاشق لأنك من بديت بالفكرة

و تاني شي ما أتوقع احد يزعل من الشي الصح
بالعكس الله يجزيك بالخير يا رب

طيب المفروض ياخذو الاعضاء فكرة عن ايش هيا التافه من الالفاظ؟؟؟ ايش اللي ممكن يقولوه واللي لا مو ممكن؟؟ اتمنى توضيح النقطة دي للاعضاء

شوكو نورتي الموضوع

اول شي الأخطاء الإملائية ما عليها خلاف
التافه من الألفاظ يعني الألفاظ الخارجة عن الذوق العام
زي ما قلت اللي يخجل الإنسان يقولها في أي وسط هو موجود فيه

يعني مثلا

موضوع قريتيه في المنتدى و ما عجبك

تقولي ايش السخافة دي - أو إيش الهبل دا

حتى لو كان كاتب الموضوع ما راح يزعل منك
او حتى لو كتبيتها من باب المزح

ممكن تبدي رأيك بألفاظ أحسن من كدا و توصل نفس المعنى

و امثلة كتيرة

و يمكن أنا ساعات أقع فيها

بس احنا يد بيد قد ما نقدر نصلح لبعض

أتمنى أكون وصلت الفكرة

سلام