~||$ كَلِــــــــمَةٌ ,, فِــــي ,, البَـآل .. وَ نَظَرهةٍ إلَــىَ آلْسَـــمَآءِ $||~

[دافئ الإحساس]

	الجزء الثامن ولدت وجبت ولد قمر زي ريان ... سميته راكان وقعد في الخداج لمدة شهر .. وطلعت بيت اهلي .. واهلي طبعا بعد ماعرفوا بزواج زوجي قالوا ماترجعين له... وانا كنت اساساً مستحيل ارجع له بعد كل شي صار رجع زوجي من شهر العسل ... جااء ياخذني ما رضيت اقابله وقلت لاخوي يبلغه اني ابغى الطلاق وما ابغى غيره قال قبل اطلقها ابغى اقابلها للمره الاخيره : لبست حجابي وطلعت له بالمجلس ..قال خلاص تبغين نتطلق ؟ قلت: ايه ولاني ندمانه انا لو ظليت معك بيظل الندم شوكة بحلقي الين اموت قال: فكري طيب قلت : افكر !!!!! افكر بيوم تناديني ميعاد والا افكر بيوم زواجك يوم رحت وانا اتألم قفلت الباب ورحت ولاهميتك الحين جاي تطلب مني افكر !!! مستحيل انا ان قلت اكرهك فهي شوية عليك لما تمسّكت بدنو موقفك معي واصريت علي ان تتدحرج كره ثلجك من أعلى قمّة في عيني بإتجاه الأسفل لما تعمّدت أن تكسرني الي الحد الذي يخجلني الآن من مواجهة كبريائي لا يهم الآن .. أن كان يهمك أن أغفر لك اذهب بإتجاه ريح الغياب ................ ولا تعد مهما حدث ..! قال : طيب بس سامحيني قلت: الله لا يسامحك لا دنيا ولا آخره .. وطلعت من المجلس .. ما ابغى ابكي قدامه ولا ابغى ابين اني حزينه على فرقااه طلعت وكان قدامي ابوي كان متأثر بكل الأحداث اللي صارت لي وبان في وجهه كان مهموووم ناظرني ودمعت عينه قال: سامحيني يا بنتي ماعرفت اعطيك اللي يثمنك رحت قربت منه حبيته على راسه قلت: افاااا يابوي تبكي وانا رغم كل ماصار اضحك واهز القاع من تحتي لاااا يا بوي لا ياتاج راسي انت مالك ذنب تكفى لاااا اشوف دمعتك يبه مكتوب لي من قبل انولد ان بيصير لي كذا وكفاية طلعت بـــــ احلى اثنين ريان وراكان وكفاية اني غفرت له اكثر من مره وكان هو مصر في كل مره يخسرني يبه يكفيني انك انت ابوي ماني حزينه عليه ماني تعبانه من فراقه .. شوفني رفعت راسه وابتسمت له باسني على جبيني قال: الله يكملك بعقلك يا بنتي .. صدق اني عرفت اربي طلقني .. عششت حياتي كان يجي ياخذهم كل خميس يمشيهم ويرجعهم بديت اعيش بدوا اولادي يكبرون بدت ترجع لي ضحكتي .. مره كنت طالعة انا وعيالي واخوي نتمشى .. ويوم رجعت وصلنا عند البيت .. اول ما فتحت السيارة ونزلت.. كان عند بيتنا وجه اعرفه زين .. ناظرني خالد: قال مهااا هذا خالد يتبع ...