,, يقولـون : الـزعـل بــاب التجـافـي ,, و انـا أقـول : العتـب بـاب التصافـي ,,

[موت اهواك]

؛؛ آلسـلآآم عَليكمُ وَرحمة آلله وَبركآته ؛؛

؛؛ أإسعـــد آلله صَبـــآحكُم \ مســآآئكُم بـِ كل خير ؛؛

.
.
.

يقولـون : الـزعـل بــاب التجـافـي
و انـا أقـول : العتـب بـاب التصافـي
اذا صـار الزعـل .. صـار المـفـارق
على عكس العتـب مـن قلـب صافـي
و أنـا مـره قسيـت بـحـق نفـسـي
و كانـت قسوتـي خــوف و تشـافـي
لـذا حاكـمـت نفـسـي .. و بأمـانـه
كتبـت أسمـي .. و سجلـت أعتـرآفي
و من دون أرتبـاك .. أصـدرت حكمـي
بترحيلـي الــى أقـصـى المنـافـي
رفضـت النقـض .. و انهيـت القضيـه
بـدون أثبـات .. و أعلنـت انصـرافـي
رحلت و ما عرفت أرجـع .. و صـارت
بدايـاتـي .... هي نهايـة مـطافي
أخـاف النـاس .. و أجـواء المديـنـه
و أسالـيـب التـوافـق و التـنـافـي
أعيـش و داخلـي .. ذكــرى قديـمـه
عجـزت أمضـي و أخليـهـا اخـلافـي
أنا المذكور و المنسـي .. و أنـا اللـي :
علـى وقتـه ستـار الحـزن .. ضافـي
علـى بـاب السهـر .. مـرت عيونـي
و لا نامـت .. و كـان البـاب غـافـي
بغيـت اسـأل عـن العمـر .. و تعـذر
قيـاس الوقـت الأصلـي .. و الأضافـي
عرفت وجيـه .. و قلـوب .. و ملامـح
مدابيـر .. و مسايـيـر .. و مـلافـي
و لا فاجـأنـي بـجـد .. و صدمـنـي
سـوى انـي مـا لقيـت أنسـان وافـي
تعبـت مـن أكتشـاف جـروح صـدري
و مـن صـدري بكبـره .. و أكتشافـي
ما عاد أبحث .. و لا أستفسر .. و لا أسأل
رصيدي مـن جـروح الوقـت .. كافـي
تبعت الخوف .. و أبعـدت .. و حبسنـي
ورى النسـيـان و أســوار القـوافـي
تفجـر فالضـلـوع الشـعـر .. كـنّـه
من دموعـي و انـا عروقـي مصافـي
طفولـة حلـم .. و الحـلـم أبتسـامـه
تلاشـت .. و أنتهـى الحلـم الخـرافـي
تغيـر كـل شــي .. و مــا تغـيـر
حنـيـن الطـفـل لأزهــار الفيـافـي
كبـرت .. و سـادت الـوحـده بعيـنـي
و زادت حاجـتـي لأحـسـاس دافــي
يتيم أيـام .. و أحسـاس .. و مشاعـر
منامـي الغيـم .. و انفاسـي لحـافـي
و أنا لا زلت أنـا .. مهمـا حصـل لـي
و لـو زاد أنكـسـاري .. و اختـلافـي
أنـا اللـي كـان يقـراء .. اي حـاجـه
عـشـان اتـمـره الليـلـه عـوافـي
و فجاة صرت أحـب الشعـر .. و أقـراء
دواويــن الهـويـدي .. و النصـافـي
و أخيراً .. صرت شاعـر فـي سكوتـي
قصيـدي قلبـي .. و وجهـي غـلافـي

.
.

؛؛ رآآآقـــــت لــــــــي ؛؛

؛؛ مــنـــقـــؤؤؤل ؛؛