نحن هنا لاي استفسار عن تقنية المختبرات الطبية.

[قصة غروب]

المشاركة الأصلية كتبت بواسطة اميره بضحكتي السلام عليكم ورحمة الله وبركاته وحشني المنتدى من زمان عنكم اكيد وحشتكم بس حبيت اعلق تعليق بسيط بالنسبه لطلاب التحضيري ,, الي حاب يدخل هدي الكليه بس لانها كلية طبية نصيحه لايدخل لانه راح يتعب وماراح يمشي لازم تكونوا مقتنعي بالكليه وحابينها عشان تقدروا تكملوا للنهايه لانو راح تواجهكم ضغوطات مرررررا كتير ( اسئلوا مجرب ) بس ازا كونتوا تحبوا الكلية وقسمكم راح تكملوا وماراح يوقف في وجهكم شي الزبده : استخيروا واستخيروا بعدين اسئلوا واهم شي الاقتناع +الرغبه << يازيني وانا اتفلسف موفقين ,,

وعليكم السلام ورحمة الله وبركاته.
اهلا وسهلا اختي الغاليه افتقدنا طلتك البهيه ان شاء الله يكون المانع خير.
اختي الله يسعدك انا اتفق معاكي في كل اللي قلتيه ومافي شك ان الواحد اذا دخل تخصصه عن رغبته من بدري اكيد بيبدع فيه. لكن اختي الله يسعدك من صغرنا واحنا مانعرف غير طب وهندسه ف من وين اعرف التخصص هذا علشان اقدر اعرف انه يكون لي رغبه فيه ولا لا ؟ وانتي ممكن تكلمتي عن تجربه شخصيه لكي انتي وكل واحد وطاقته وظروفه لكن مافي مانع ان الواحد يجرب ويحط ف باله انه راح يبدع ف التخصص هذا لو ماتحقق التخصص اللي يبغاه من بدري وبدل لا العن الظلام احاول اشعل شمعه وماينفع البكاء ع اللبن المسكوب احنا المفروض وصلنا لمرحلة ان الواحد يتكيف ويتاقلم ع وضعه ويكيف حياته ع الشي اللي هو فيه.
وانا اتكلم عن نفسي من البدايه ماكنت اعرف عن العلوم الطبية كثير ومعلوماتي عنها كانت جدا محدوده وقلت بادخلها واحول طب اسنان لكن بعد مادرست سنه كامله ف التخصص الصراحه مره حبيته ولقيت اني ممكن ابدع واتميز ف اكثر من مجال وانا ف تخصصي هذا والحمدلله وبعد كذا لما جا طلب الاحويل متاخر قلت مستحيل اني احول وطبعا استخرت والحمدلله ارتحت.
ف الاخير الله يوفقك الجميع وييسرلهم امورهم ويختارلهم الخيره.
ربي يسعدك ويوفقك اختي الغاليه والمعذره اني طولت ف الرد.
تحياتي