وتأتي الرحمة من شطر (الطلاب) !!

[s.hasan]

السلام عليكم
ما كتبت هنا الا لأني تعبت مع شطر الطالبات محد يسمع ولا يتحركوا ولا نستفيد شي
المشكلة بقرارهم الجديد ( ممنوع خروج الطالبات الا بعد الساعة العاشرة )
دا الموضوع متأزم مع العديد من الطالبات وانا أولهم
ما هو الهدف ؟؟ قولولي اشوف صحيح او لا
بس أقولكم ايش صار يوم السبت الساعة 9 الا ربع من امام بوابة شمالية 3 باختصار
انا ابويا كان في المستشفى الله يسلمكم وخلص بدري وجا ياخذني بس لسع ما وصل .
طالبات ما اقدر اعدد ظروفهم كل يوم تلاقي عشرين طالبة قدام البوابة ...
المهم ابويا وصل عشرة الا 5 وانا جيت بأطلع دخلت البوابة وشرحت ظروفي بالاضافة انو ابويا معاق من الاحتياجات الخاصة ما خلوني اخرج !!! بذمتكم ايش اقول والله كنت ابغى ابكي وانا اشرحلها ظروفي وهيا ولا اي تعبير وقفت قدامي ومو راضية تتحرك اقولها ابويا مريض ليش اخليه يستنى خمس دقايق يا اخوان ايش دا فين احترام خصوصيات الاخرين احترام المشاعر تقول جيبي تصريح ؟؟ تصريح من اخر مكان بالجامعة كيف اروح وارجع ؟؟؟؟؟؟ .. وبالفعل ما خرجتني واتأخرت على ابويا
لو رحت واتكلمت وسويت كل شي والله محا يتغير فأتمنى احد يساعدنا
انا كم مرة كتبت في ذا الموضوع ولا صار ولا شي
اذا عن خروج الطالبات مع شباب هم أحرار ومو كلنا زيهم عندنا ظروف واللي مايراعي ظرفي الناس محا تراعيهم