::] أُنـــســـيَـــات [::

[* تركي *]

/




- أنا سلَمتهم قَلبي الرحومي وَ لا أحد فيهم حَس بـ حناني .. ! ، قاطعت أفكاري هـَ اللمى وَ هي تصايح أَبغ كيس لحالي أبغ كيس لحالي وَ الي وَراي مادن يده من عند كتفي و فلوسه تروح وتجي قدام عيني ، المكان ضيق وَ جنى من ابعيد تصايح بعد عموو ابغ زباااادي مادري انتبه لمين وَ اترك مين وفجأة حد يدخل البقالة بـ غباء مركب بدل ما يسحب الباب لـ بره لا صار يدفه ع داخل مدري شصار وسط هاللخبطة ويطيح الهولستن مني وينكسر

،

- خرجت من البقالة وَ آنآ أتنفس الصعداء وَ طوال طريقنا لـ البيت نمشي وَ أنا أهاوشهم آخر مرة أطلعكم البقالة ليش تأخرتم وَ من هـ الكلام ، ترد عَلي لمى الملسونة بكل برود (أصلاً بابا يوديني) وَهي تلعب بـ هـ الكرة الصغيرة ترميها من ايدها لـ الأرض وَ من الأرض لـ ايدها. وصلت البيت وفجأة تذكرت جوالي وَ ابتدت معه الوساوس ، أساساً أنا أخذته معي ؟ يمكن بالسيارة ؟ يمكن في البقالة ؟ يمكن في أكياس الصغار ؟ يمكن طاح ؟ يمكن وَ يمكن وَ يمكن وَ عاد ما قصر فيني هـ الوسواس الرجيم.

،

- تلفون البيت مَابوه صفر لجل أتصل ع الجوال. وَ البيت فاضي مهالا أنا وَ الصغار ذول. دورت بالسيارة مافيها شي رجعت البقالة بعد مافيها شي. عودت على طول رجعت البيت وَ فتحت موقع (آي كلآود) ، سجلت دخولي وَ تم بـ حمد الله تحديد موقع جوالي ع خارطة جدة ، لوهلة حسيت اني أسوي شيء مخيف ومتعوب عليه كذه ، على طول قفلت الجوال بضغطة زر. المفاجأة إن الجوال حواليني في نفس الشارع لكن وين ربكم به عليم .

،

- بـِ النهاية طلع بـِ السيارة. رغم إني دورت فيها عدل ، رغم اني مَا ركبتها أصلاً إلا بـ الصباح وَ آخر عهدي بـ الجوال قبل دقايق. الموضوع باين إن الظهور العلني يصاحبني حَتى هنا . المهم ، خل نكمل .. أنا سلَمتهم قَلبي الرحومي وَ لا أحد فيهم حَس بـ حناني ، وَكيف الهم من كاسه سقانِي عَلى نفسي ترى عتبي وَ لومي وَ لا بعتب وَ لا بشكي لـ ثاني .





::

آي كلاود : https://www.icloud.com
+
لابد يكون الجوال متصل بـِ النت.

،

- نور العمر حياك ربي ، شاركينا ;)
،
- خلود ، هههه جربي اللعبة صدقيني متعة
،
- حَلاوة ، أحب الصريحين أنا خصوصاً مع الملقوفين ههه.





::