تقرير حضور الدوره التأهيلية لمادة ثقافة المنظمه pad422

[شانزليزيه]

علمني ابوي مثل وحفظني اياه

قالي يا وليدي ليالي العيد تبين من عصاريها

من ثاني مشاركه اتضح ان ماعندك نيه تنقل شي

بما انك يا وطن اعتبرتني اخوك وان هالكلام يصير بين الاخوان فتقبل كلامي يا اخوي

انت يا عزيزي عندك المعلومه الكامله وحضرت اخر الدوره التاهيليه واخذت التحديد الي حدده السالم

من الشباب الحاضرين والله سبحانه انطقك
بتحديد صفحتين بالفصل السادس لكن منت حاب تنقله لنا

من وجهه نظري هيا حريه شخصيه انك تحتفظ بشي ما ودك تعلم فيه زملائك واسال الله ان يعطيك على قد نيتك

ولكن انك تسحب بالشباب الغلبانين وتطق صدرك وتوعد بالشي الجديد وان معك شي ماجابه غيرك

وتجرهم وراك 3 اسابيع واكثر من 60 ايميل انسدح وبالاخير تقول زبده الكلام الاسئله جمع بين نموذجين
والنموذجين كلها اصلا بالمنتدى من سنه ونص !!!

يعني ماكنت تقدر تقول هالكلام من اول !!

الله يرحم وقتك يا ابيض قلب الله يرحم وقتك يا مستشفى

وبالنسبه للاخ فتى الرس الي وعد مثل وعدك بموضوع اخر وسحب علينا هذا الكلام موجه له ايضا ولا استبعد ابدا انك راسلته وقلت له بلاش تنقل شي يمكن يغير وجهه نظره الدكتور والدليل انه حط رابط موضوعك بموضوعه ... ما راح ادخل بالنيات ابدا ... لكن الله يعطيكم على قد نيتكم

عموما يا عزيزي احتفظ بمعلومتك واحتفظ بلي حصلت عليه

بالنسبه لي بذاكر وبعتمد على الي حرك اطرافك وخلاك تحضر الدوره الي هو رب العباد

ولا راح اعتمد عليك او على الي نقلته او الي ودك تنقله

وعادي لاتزعل مني ترى عديتك اخوي وهالكلام عادي يصير بين الاخوان