الطب وألعاب الكمبيوتر؟

[Feras L. Kindi]

السلام عليكم

كيف الحال إخواني الدكاترة؟

أنا إن شاء الله ناوي ع طب بإذن واحد أحد. وعارف إنه يبغاله دايمًا مذاكرة أول بأول ومراجعة مستمرة ... في النهاية أنا بأدرس وأجتهد عشان أصير دكتور كويس مو عشان انجح وخلاص.


لكني من لاعبين ألعاب الكمبيوتر والبلايستيشن ( لست مهووس ).
وناوي أشتري جهاز ألعاب وحيكلف مبلغ مو قليل.
فهل ممكن مع المذاكرة الكويسة إنه يصير لي أجلس عليه ولو 6 ساعات بالأسبوع؟ ( موزعة )

يعني كل يوم نص ساعة ساعة أو نهاية الإسبوع.

هل ممكن يكفي إني أذاكر 5 أيام بالأسبوع؟

اللي اعرفه اني اروح 8 وارجع 5 كل يوم قولوا ساعة ونص عبل ما اوصل البيت واكل واغير واريح لي تصير 6 ونص .. اذاكر لي ساعتين او ثلاث تصير 9 .. هل كذا كويس؟

بإنتظار ردكم وخبراتكم :)