برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[Eva160]

المشاركة الأصلية كتبت بواسطة mr.samie حبيت اعقب على ردك ان اغلب الناس عارفين ان العمل المختلط فيه قوانين صارمة واكيد اصلا اي منشأة بتجيب موظفات وموظفين بتحط قوانين صارمة لأن لولا القوانين ما تقدر تتحكم فيهم وما تصير الدعوى عمل وكل واحد يسوي شغلة بتصير مسخرة المهم اللي شايفه انا ان اغلب الناس اللي ما يبغوا الاختلاط لبناتهم ماهو المقصود الاختلاط داخل المكان لأن عارفين ان داخل المكان كل واحد باحترامه لكن بيصير فيه احتكاك وكلام وميلان حتى اللي نسمعه عن البيئات المختلطة المشاكل كلها تصير برى المكان مو داخل المكان يعني بعد ما يتعرفون على بعض يتواعدون في اي مكان فهنا الامر اللي خايفين منه الاهالي انا ماني شايف مشكلة بالاختلاط نفسة انا شايف المشكلة بتربية الناس الله يعين كل موظفة تقابل الرجال لأن بيجيها كلام مو طبيعي يا اما سب يا اما غزل فيه عينات من البشر اذا جلس مع بنت لازم يتلوى ولسانه يوجعه لازم يقول كلمة وقد قالي واحد كان مقدم على التدريب ان في شخص كان يتغزل بالمنسقة اللي كانت تنسقلة التدريب لأن التدريب اغلب اللي ينسقونه بنات في ارامكو فالله يعين المنسقات على هذي العينات من البشر

كلنا عارفين الانظمه القياده للمرأه في الكويت
ازا جاء واحد يعاكسها تقدر تعمل شكوى عن الشخص، والشخص ينسحب منو رخصه القياده او يسجن
تخيل قد ايه الشباب اللي في الكويت يخافوا يصدموا البنت بالسياره بالغلط

ازا الشركات الاختلاط عملوا زي كده انو حصل كلام غير لائقي سواء من البنت او الولد يسير انذار او فصل لمده كم يوم وينقص من الراتب

بالصراحه الموظفه تقدر تعمل شكوى انو الفلان ولد فلان اتكلم معايا بأسلوب غير لائفي. وكمانه المنسقه تقدر تدي الولد الانذار ويسير تقييم الولد موطيب احتمال مايتوظف مع الشركه في المستقبل.

انا اعرف في الشركات الاختلاط مو مسموح التواعد مابين بنت والولد بره جو العمل، لانو ازا عرفوا راح يحصل فصل كامل لانو مايحبوا يسير مشاكل في الشركه مثال ازا حصل مشكله بين البنت والولد احتمال واحد منهم يغيب عن العمل او يفقد التركيز عن العمل او يسير غيره والشركه مايشجعوا او يتكلموا عن التواعد او سمعه البنت تتشوه الخ........

ازا الاهالي عرفوا دي الانظمه مع الشركات الاختلاط يترتب فيها عقوبات. دا شيء كويس عارفين ايش بيسير معاها داخل العمل وخارج العمل فيها عقوبات.

مثال للانذار بره جو العمل
انا اعرف واحد موظف من ارامكو قالي انو واحد من الموظفين سار لو انذار بسبب الصور اللي في فيس بوك. لانو المشرف قال للشخص انتا عندك صور غير لائقه " احنا عارفين الشباب والبنات فيهم حركات استهبال". وكمانه ممنوع انو الواحد يصور طبيعة عملوا من مكتب او جلسات غداء او يعمل صور فيديو بالدس كيف يتكلم مع المدير. وكمانه ناس تعمل توتير انو جو العمل متعب الخ......

الله يستر من الناس اللي قلوبهم ضعيفه ماتخاف من ربنا