برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[هي!!]

الله يوفقك يا ايفا

تدرين مشكلتي انا اني بجي لهم من آخر الدنيا وكل عايلتي في الجنوب يعني لكل موعد
بيكون علي فيه سفر ومشوار وش طوله وحجوزات وقلق هذا أولا

ثانياً
اللي شاق صدري من الغيظ الحين اني كنسلت الصيفي عشانهم لاني قلت المسلمين على شروطهم وعهودهم
بعد ماسألت 3 او 4 موظفين وكلهم وعدونا به من البدايه وقالوا هذا مفروغ منه وماعاد يحتاج نقاش

والحين يرجعون في كلامهم !!

على الاقل شوية إحترام لعقول البشر اللي قدامكم !

صار مذله ماصار تدريب وكأني طالبتهم اسكن في ناطحة سحاب كلها غرفه مترين في مترين وبيقنعوني انهم عجزانين عنها ؟! حتى لوكان فعلاً في بنات في سكنهم
على الاقل يحددون كم نسبة الغرف اللي لسى متاحه ؟

طيب دام مايبغوا بنات ويبون يعقدون أمورهم كذا ليش ما قفلوا التدريب وخلوه للأولاد فقط !

للأسف كل شيء في مجتمعنا ذكوري ومحد يعيش غير الأولاد يعني شفت كل شيء تدخل فيه سالفة البنت
غصباً يصير معقد وعليه سبعميه وثمانين ألف قفل وباب !

الله يكتب اللي فيه الخير وحسبنا الله ونعم الوكيل على كل من بيده تيسير الأمر وعقده