|| التسكين || عندك مشكلة مع رغبتك ؟ .. تحس انه في واسطة ؟ تعال نحل الموضوع

[اكوس نفرر]

شوف ي حبيبي ..

محد يقدر ينكر انو امور الوآسطة مهي موجودة في الجآمعة .. او في الحيآة بصفة عآمة ..

وتقدر تقيسهآ حتى في البيت عندكم :)

انا بقلك مثآل .. انا ادمي نسبتي الموزونة المفروض فوق ال 84 ..

بس نزلت في الاودس 77 .. وطبعآ رحت رآجعتهم .. ومرمطوني كل يوم نآزل جدة ورآجع مكة ..

وطبعآ دخلت عند عميد القبول والتسجيل .. و ي ليت مآ دخلت عندو :)

المهم بعد مآحآولت قلي ترآجعني يوم الثلوث ونشوف ايش يصير !!

كلمت وآحد من اقربآئي يعرف دكتور في الهندسة .. وكلم عميد القبول والتسجيل .. جآني اتصآل بعد كذا

يقول خلاص تعآل يوم الثلوث عشآن تشوف اننا غيرنآ تخصصك لهندسة ..

يعني من بعد المرمطة والكلام الفاضي وانو يوم الثلوث اروح ارآجعهم ويمكن تنحل مشكلتي ويمكن لا

اتصلو علي بنفسهم .. وكلموني بطيب خآطر وحلو موضوعي سريع سريع :)

يعني العبرة من الحكآية اللي فوق .. انو في كل مكآن وزمآن فيه وآسطة .. وذا الشي محد يقدر يمنعو ..

ولا كآن منعوه في اكبر الجهآت الحكومية .. وكلنآ عآرفين !!