استفسار عن كلية الاقتصاد والادارة

[girl.k.s.a]

المشاركة الأصلية كتبت بواسطة *كوفي* السلام عليكم ورحمة الله وبركاته

المشاركة الأصلية كتبت بواسطة *كوفي* وعليكم السلام ورحمة الله وبركاته انا طالبة لسا مخلصه تحضيري وتم قبولي بكلية الاقتصاد والادارة الحمد لله ألف مبروك لك يآ حلوة في البداية الصراحه انا مرره ملخبطه وعندي كم سؤال وحابة انكم تفيدوني ^^ لالا خليكي ريلآكس والأمور إن شآء الله تزين معاكم الحين اللي عرفته انه في الكلية في 3 فروع : 1-الاقتصاد 2- إدارة صحية وإدارة مستشفيات أذا اخترت دولا رح اتخصص على طول اما 3- مستجد اعمال عام ادرس 3 سمسترات عام يعني سنه ونص وبعدها ف السمستر السادس راح اختار واحد من ذي التخصصات اللي هيا (محاسبه- تمويل - تسويق - نظم معلومات إداريه - إدارةاعمال + موارد بشرية) السؤال : 1/ متى اختار احد ذي الفروع ؟؟ بالنسبة لفرع مستجد الأعمال العام راح تكون الخطة تبعو كالتالي / بعد درآسة 3 مستويات وهي التالت والرابع والخامس وخلال هالفترة تدرسوآ مواد عامة تشمل كل التخصصات عشان تقدروآ تحددوآ التخصص المرغوب بسهولة من خلال دراستكم للمواد أما الفرع الأول والتاني رآح تكون من بدآية ما تدخلوآ الكلية (المستوى التالت ) 2/ولو اخترت مثلا (مستجد اعمال عام ) بعد السنه والنص راح اتسكن في هذه الاقسام (محاسبه- تمويل - تسويق - نظم معلومات إداريه - إدارةاعمال + موارد بشرية) ع أي اساس ؟ يعني نفس التحضيري في مفاضله ونسب ومن ذا الكلام :"( بالضبط بس الاختلاف إنو حيكون حسب المعدل اللي طالبينو لكل تخصص وكمان حسب الأماكن الشاغرة في كل تخصص يعني مثال / تخصص النظم معلومات طالبين معدل 4.50 لو معدلك أقل وفي وحدآ نفس المعدل يآخدوهآ هيآ < هادا نظام البنات لأنهم كتيرين أما الأولاد عادي 3/انا سمعت انه في الكليه في اقسام اداري واقسام علمي ياريت توضحوها ليا لانه لمن دخلت موقع الكلية كانت كل الاقسام مع بعض مو واضح ايت اداري وايت علمي بالنسبة للإداري 4 أقسام : 1- الاقتصاد 2- إدارة عامة (تطوير وتنظيم إداري) 3- أنظمة (قانون) 4- إدارة مستشفيات أما العلمي فهو مبدئياً مستجد أعمال وبعد كدآ له فروع وما تبدئي دراستها الا بعد المستوى الخامس (إدارة أعمال - موارد بشرية - نظم معلومات إدارية - تمويل - تسويق - محاسبة ) وطبعا أكيد عارفين الفرق بينهم إنو العلمي دراستو بالانقلش كل المواد وكل شي ماعدا قسم المحاسبة أول 3 مستويات بالانقلش والباقي بالعربي أما الإداري كلو بالعربي 4/ في موقع الكليه الرسمي في اقسام ثانيه زي :العلوم السياسية ، الانظمة ،ادارة الموارد البشرية ، الادارة العامه هذي الاقسام تابعه لاي فرع :"( ؟؟ * الأنظمة تابع للإداري * الموارد البشرية تابع للعلمي * العلوم السياسية لا يوجد < شكل الموقع مغبر والله أعلم أو إنو تآبع للإدارة العامة يعني تابع للإداري * إدارة عامة تابع للإداري ولا تنسي تفرقي بين إدارة عامة و إدارة أعمال ^_^ 5/ انا درست في التحضيري علمي سمعت انه المكافأة تقل وتصير نفس مكافأة الاداري مااعرف هل هذا الكلام صحيح ؟؟ لو دخلتي قسم أدبي أتوقع إنها تقل أما لو كملتي أقسام علمية فحتكون زي ماهيآ لأنو نحنآ كونآ أدبي ولما حولنا علمي أتغيرت ، يعني أكيد العكس صحيح 6/ متى موعد الحذف والاضافة ؟؟ يكون من قبل أول اسبوع في الدراسة ويستمر لمدة اسبوع ^.^ ادري طولت عليكم بأسئلتي بس والله مرررره متلخبطه وماعندي غيركم :$

لا عادي يا حلوة وحياك الله بأي وقت ونحنا في خدمة الشعب