قصة سيرين و طلب تحويلها

[S.Bn]

المشاركة الأصلية كتبت بواسطة dr.ro0ody كلامها الله يجزاها خير كلوا صح صدقيني مااتعرفي فين الخيرة _____ كليه الهندسة للبنات لسا دي اول سنة واول دفعة وانتي عارفه كيف في السعوديه عندنا معروف الهندسه = للاولاد فقط مااتعرفي يمكن لما تتخرجي بعد كم سنة يقولوا انتم بنات مالكم وظائف__وخصوصا نحن اول دفعة ويجربوا لسا ! ادا قطاع الهندسه للاولاد مو علطول بيلاقوا وظائف وفيه زحمة عندهم على الوظائف فما بالك ادا كان دخلوا معاهم البنات ! ولكن الحاسب تخصص معروف + مضمون وانتي عارفه نحن في عصر التقنيه والانترنت ونحتاج الحاسب كتير سواء في مدرسه او مستشفى او شركة اوبنك او مصنع كلوا بيعتمد على حاسب وبرمجه وخصوصا itبنت خالتي تخرجت منوا قبل سنتين وتوظفت علطول في بنك شوفي صدقيني انا ماابقولك دا الكلام عشان اخفف عنك او انسيكي لا والله بقولك عشان ابغا اوضح لك الايجابيات والسلبيات انا معاكي انوا تخصص الهندسه حلو ورائع لكن تتوقعي للبنات كيف راح يكون الوضع ؟؟؟؟ وممكن كمان بعد كم سنة يكون في وظائف للبنات عشان كدا انا ماراح اقولك اتنازلي عن حلمك او خلاص !!! لا كملي ورحي ودوري ولاتتنازلي عن حلمك وفي نفس الوقت يكون عندك يقين انوا ربي كاتب لك الخير سواء هندسة او حاااسب وراح ندعيلك وماراح ننساكي وانتظري التحويل ادا تحولتي راح نقولك الف مبروك يامهندسة واخيرا تحقق تحلمك ادا ماتحولتي صدقيني هادي خيرة من ربنا عارفة ليش ؟ لان ماشاءالله موزونك عالي +مافي فرق بينك وبين نسبه الكلية الا شي بسيط + روحتي وقدمتي وطلبتي تحويل ولكن ! ربي ماكتب لك نصيب فخلاص هادي خيرة من ربنا انت تريد وانا اريد والله يفعل مايريد كل حاجة مكتوبه ياحلوة وان شاءالله بإذن الله تتحولي ولكن ارجع اقول ادا ماتحولتي لازم يكون يقين في قلبك انوا هادي الخيرة وارجعي فكري في سلبيات الهندسة وانك راح تكوني اول دفعة ودا الكلام كلوا ربي يوفقك واهم حاجة ربي يكتب لك اللي فيه الخير هندسه او حاسب

اهيلن فيك حبيبتي

اول شي مبروك

ما تواخزيني ما باركت لك انتى و بعض الناس لانو الرسائل لازم اكتر شي 3 مرسلين و بين رسالة و رسالة 10 طعشر دقيقة اطفش و انا بستناها ...

حبيبتي انتي كلامك رائع الله يسعدك دنيا و اخرة يا رب و يجعل الفردوس مثواك مع النبين و الصديقين و الشهداء

و الله قريت كلامك مرتيين الله يسعدك

و ان شاء الله نشوفك نجمة تتلألأ في سماء المجد >> جملة متعوب عليها و اخرا عبرت باللغة العربية