هنا تجمع طلاب الترم الصيفي لعام 1433هـ

[الديكتاتوري]

المشاركة الأصلية كتبت بواسطة وطن.! دام الموضوع فيه تذكره ابسوي لك تحليل مفصل ليش قلت لك كذا شوف وانا اخوك مادة ادارة المشروعات العامه هذي مادة اختيارية ومادة الحكومة الالكترونية عند الدكتور وهيب صوفي وهذا الدكتور حبوب ومحترم بشكل ماتتخيله وللمعلوميه كثير من اللي الشباب اللي موموجوده المادة عندهم بالخطه وياخذوها اختياريه يعني المادة تساوي مادة اختيارية ، والموازنه العامه الدكتور النفيعي دايم مايغير اسئلته في الصيفي لكن لا تاخذ هذا اكيد ممكن يغيرها لكنه متعاون مع الطلاب والمادة حلوه بس مشكلتها دكتورها بالاترام العادية كان يركبه جن وبالصيف يصير وشحليله فا الافضل انك تتخلص منها عشان لاجيت تتخرج ولا فيه برصيدك مواد اختيارية وحره كثير وبعدين المواد الاختيارية والحره في الاترام العادية تكون فاتحه لك كل الشعب ومتاحه مواد كثيره يعني المجال مفتوح لك اكثر ، مثلا انت قلت انك مسجل مادة حره تبي الاقناع ؟؟ وانا انصحك في وسائل الاعلام الجديد عند الدكتور عويس باذن الله ماراح تقل درجتك عن 96 اذا قرأت الكتاب مره وحده والمادة كثير ممتعه وحلوه الاهم من هذا ان رفعه المعدل في الصيفي سهله فلا نستنفذ المواد الاختيارية والحره لانك راح تحتاجهم في الاترام الاخيره حاول تخلص من المواد الاساسيه والحكومه الالكترونية تعادل مادة اختيارية هذا الترم صوفي خصوصا في الصيفي يدف الطلاب ويعطيهم درجات كثيره واذا الطالب كان حال كويس ممكن يعطيه 100 من 100 وهذا حصل مع احد الاصدقاء الترم الماضي في مادة القراءات الادارية وشوف وممكن تضيف التخطيط الاستراتيجي . بس نصيحه اقراء المواد من نفس المقرر المطلوب وباذن الله راح تلقى نفسك جبت بالتخطيط درجة لا تقل عن 75 والموازنه 80 والحكومه الالكترونيه لا تقل عن 90 وبكذا تكون رفعت معدلك وبنفس الوقت تخلصت من مواد اساسيه ولا زالت المواد الاختيارية والحره برصيدك . توكل على الله وشد حيلك وباذن الله راح تدعي ليه .. ثلاث مواد ركز عليهم كويس وكلهم حلوات ماهي ذيك المواد الصعبه خصوصا الموازنه ممكن تتكرر الاسئلة حقت الاعوام السابقه .. الاهم لا تركز على الاسئلة الا بعد ماتقراء المواد كويس والاختيار بنهاية لك وانا ولا فهد والله مانبي الا دعواتكم ونقولكم اللي نشوفه من وجهة نظرنا بعد تجربه لهذي المواد وبعد اطلاع ومعرفه بما تحتوي من دروس .

ما قصرت والله يا وطن وكلامك جدا مقنع وبتكل على الله وبضيف هالمواد بس المشكلة دخلت ابي احذف واضيف المواد رفض معي وش السالفة اللي اذكره ان الحذف والاضافه لين يوم 28/8 ويقولي
الفصل الدراسي الصيفي ( عرض فقط ) وش السالفه بدينا بلكاعة الجامعة اللي عنده خبر ياليت يفيدنا يا شباب