استفسار بخصوص تغيير رغبتي !

[Amonda]

السلام عليكم ورحمة الله وبركاته
الله يعافيكم انا في حيررره كبيره
الحين انا صراحة ماتذكر وش حطيت بالرغبات غير اني حطيت اول رغبه
اللي هي تربيه خاصه ، وانا معدلي 3.50 والحمدلله ، والحين لسا اخذ ماده صيفي بكرا اختبارها
الله يسهل علي انا وكل اللي يختبرون
المهم ، احس صعبه يقبلوني تربيه خاصه لان النسب المطلوبه مره مرتفعه ،
و على ما اتذكر اني حطيت ثاني رغبه كلية الاداب الفيصليه
وبعدها الاقتصاد المنزلي ، لاني كنت ابي دراسات طفوله
ف حابه اسالكم ، لو قبلوني مثلاً في كلية الاداب و نقول يارب انقبل تربيه خاصه ..
وانا ابي دراسات طفوله في الاقتصاد المنزلي ، وش اسوي ؟ شلون احاول ادخل دراسات طفوله
يعني مثلاً وش اسوي يوم اروح كلية الاداب عشان اقولهم اني ابي اقتصاد ، ابي اسهل طريقه الله يعافيكم
و هل هي مضمونه ؟ ولا ممكن يتلكعون معي وارجع زي مارحت !
و بخصوص اني طالبة صيفي ، قالت لي عضوه هنا صاحبة خبره اني اروح اول يوم دوام
عشان احدد رغبتي اي تخصص ، وش اجيب معي وانا رايحه هناك ؟
يعني وش المطلوب وش اطبع ؟
الله يعافيكم خايفه يحطوني بشي ما ابيه وانا الحمدلله ماشوف معدلي شين :(
اللي قبلوهم تربيه خاصه وش اقل معدل قبلوه ؟ + دراسات طفوله
الله يسعد اللي يساعدني ويطمنني جد محتاره !