استفسار بخصوص التحضيري

[Dreams.]

السلام عليكم والرحمه..


حبيت انزل الموضوع بقسم العلمي، ﻷني شايفه تفاعل أكثر من قسم الإداري!

حابه اسال هل مهم إني احضر اليوم الإرشادي أو كلام مكرر وملل؟ علمًا بأني لدي خلفية عن الجامعة و الأنظمة بشكل عام..


وكمان حابه أعرف طريقة المذاكرة..
خطتي ب ( إحصاء - مهارات الاتصال - مهارات التفكير والتعلم - انقليزي المستوى الأول )

بالنسبة للإحصاء أول شيء كيف حذاكر ؟
من الكتاب أو ملخصات او كيف بالزبط ، مثلا من السلايدات بس.. وفين تكون لكل مادة؟

وباقي المواد من نفس الكتاب اذاكر؟ او سلايدات؟ والخ؟

وكمان.. الانجليزي كيف راح تكون الاختبارات؟ لكل ليفل؟ اسبوعيًا ؟
اﻻختبارات راح تكون اختياري في كل المواد صحيح باستثناء الرياضيات على حد علمي.. هل هذا صحيح؟


ومثلاً بمهارات التواصل اختبرنا دوري أول بالجزء الاول والدوري الثاني بالجزء الثاني .. هذي اﻻجزاء كلها راح تدخل معانا في الفاينل؟ وﻻ اللي نختبره خلاص ماعاد نرجع له؟


ومعليش طولت عليكم، لأني مقررة ما احضر اليوم الإرشادي لمن قريت اليوم إنو مش مفيد ومحد راح يجاوبني على كل شيء يدور براسي غيركم إنتو بحكم تجربتكم السابقة ..