تجمع طالبات&طلاب قسم إدارة خدمات صحية و مستشفيات (انتظام)

[wana.1993]

المشاركة الأصلية كتبت بواسطة _Sora بنات اللي بتضيف مواد و تعدل جدولها تروح للمبنى الصغير اللي جمب مبنى 12 ! ماشاالله البنات و الدكاترة مرة حبوبين و متعاونين بس اكتبو الاسم ، الرقم الجامعي ، المواد اللي حابين تضيفوها او تحزفوها ف ورقة و اعطوهم هيا : )

انا اليوم رحت من الصبح و مرمطوني في مبنى كلية الاقتصاد و الادارة خلوني اطلع لمرشدة الادارة العامة اقولهم انا قسمي مو ادارة عامة دخلوني عندها وجلست واقفة طابور مع البنات بعدين قالتلي روحي مبنى 12 و ما قالت شيء على المبنى الصغير. رحت الين المبنى وجلست احوس فيه وبعدين رجعت عند الشؤون رجعوا قالولي اطلعي الدور الثاني و لما قلتلهم على الي سار استوعبوا و قالولي على المبنى الصغير و برضو جلست احوس الين ما لقيتو و لما دخلت رحت ابا اضيف المادتين لقيت وحدة اجنبية تقولي الاستاذة المسؤولة عن الحذف و الاضافة مشيت من ربع ساعة ولازم اجي بكرا و كانت الساعة 11وربع يعني الوقت كلوا ضاع و انا في مبنى كلية الادارة و الاقتصاد و محد قال انو تنزيل مواد تخصصي من هناك و كمان انا السنة الي فاتت كنت في الشرفية فا ما اعرف اماكن المباني الي هنا.
دحين اذا رحت بكرا الاقي المادتين (ادارة خدمات صحية - english)؟؟
و البطاقة الجامعية السبوع الي فات قالولي خديها اليوم جتهم اليوم في العمادة قالولي ليش ما اختيها الاسبوع الي فات!! تعالي خديها الاسبوع الجاي عشان عندهم مشاكل!!!!!!!!!!!!!!!!!
و معليش اذا طولت عليكم..