تجمع ادارة اعمال دوليه انتساب بنات من مستوى 7الى التخرج 2013

[berin]

مرحبا صبايا

كل عام وانتم بخير

هذا اخر تيرم لي ان شاءالله

الله يسهل علينا جميع ,, بعد اسبوعين عندي اختبار بديل ادارة استراتيجيه ولسى ماذاكرت ماني عارفه كيف اذاكرها

عندي الكتاب والمحاضرات بس مدري احس اني ضايعه
بليز بنات اللي اختبرت التيرم اللي فات تعطينا الاسئلة اذا تتذكرها
وايش ركزت عليه اكثر شي تنصحوني اذاكر من الكتاب
والا المحاضرات :( خايفه من هالماده كثييير الله يستر

وبما اني نازله جده ودي ارتب جدولي من هالحين علشان لوفيه شي لازم ينضاف من عندهم يمديني اضيفه

المواد المتبقيه لي

ادارة استراتيجيه في البيئه العالميه

بحث وتدريب

مالية دولية

مادتين حره ..

ماده اختياري


على حد علمي الادارة الاستراتيجيه متطلب للبحث والتدريب
وبالعادة درجات البديل تتأخر اخاف مايخلوني اضيف البحث :|

طمنوني بنات الاختبار البديل بيأخرني والا لا :(

اقتراحاتكم في المواد الحره وش اخذ؟

والاختياريه اخذت قبل نظام سياسي سعودي وعلوم سياسيه

الحين باقي لي وحده

انتظر شوركم ياحلوين