برنامج خادم الحرمين الشريفين للابتعاث الخارجي المرحلة الثامنة 1433

[Fatema Alshareef]

مرحبا ..
اليوم الأحد كان موعد مطابقتي..
في فندق ميريديان بجده .. الساعه 11 صباح..

الموظفات كان تعاملهم غايه في اللطف والرقي..
يسعدهن ربي.. وكان الوضع هناك مرتب ومنظم جداً..
الوقت اللي استغرقته ساعه واحده فقط..
من 11 إلى 12 ..
والشغله تستغرق وقت أقل بس عشان كنت أصور بعض الإثباتات.. في بنفس الفندق
موظفه تصورلك الأوراق ماتحتاجي تطلعي..
أول ما دخلت كانو قدامي 3 موظفات بالإستقبال.. قالولي رتبي أوراقك ع حسب النموذج اللي مكتوب فيه المستندات المطلوبه وافصليالأصول عن الصور ..
سويت المطلوب ثم دخلت القاعه.. رحت لموظفه
ثانيه أعطتني ملف أكتب فيه بياناتي وأرفق
فيه صور الإثباتات.. شغله سهله ماتاخذ وقت..
رحت أديتها الأوراق .. وأعطتني رقم وقالتلي
انتظر التدقيق .. تقريباً انتظرت 7 دقايق ..
وبسرعه كانوا يمشون الكاونتر لأن فيه 5 موظفات لهذي الشغله..

شغلة التدقيق شوي وقتها أطول من الشغلات قبل لأنو عارفين تدقيق ..

وعندي ملاحظه مهمه .. أنا طلبوا مني صك الولايه لأن والدي متوفي "ربي يغدق عليه من واسع رحمته" .. وكنت جايبه معي صك الوكاله فقط قالولي لازم تجيبي معاك صك الولايه بالإضافه لصك الوكاله .. لأن ولي أمري هو أخوي الكبير ومرافقي أخوي الأصغر .. اللي نفس وضعي تنتبه لهالشي..
وقالتلي الموظفه مو مشكله امورك رح تمشي عادي جداً ووضعك سليم وبعد الترشيح حيبيها معاك ..
وأعطتني سند تسليم ملف أجيبيها معاي بعد
الترشيح ودي مهمه جداً ..