بنات هاليومين

[بسكأتي أذلك]

السلام عليكم ورحمة الله وبركاته ..

انا ياجماعةالخيرحابه اتكلم عن موضوع قديم ومغبر في راسي كل ماافتحه في منتدى ينحذف موضوعي ولايتقفل عليه فيه ولا يقلون انقلعي انتي وياه سوا ولااحد راضي يسمع مني هالموضوع خيرشر مماشكلي تراكمات نفسيه كثيره عموما بجلس اهذر في هالموضوع لين يقول النص الذي ادخلتيه طويل مره والمنتدى مايقبله عشان احس اني طحنت الحب الي براسي كله ..

نعم بنات هالجيل ( من أنتم ؟ ) ..

خلونا نتكلم عن بنات هاليومين ونقارنهم ببنات الجيل القديم ايام ابائنا واجدادنا ..

زمان امي كانت البنت عن عشر رجال ترعى بالغنم من يوم عمرها سبع سنوات وان ضيعتها ولله ان ياكلونها واقفه

ولاعمرنا سمعناهم استوردو خدامات ولاهم يحزنون



ولاعندهم تقنيه ولاواتس اب ولا ايفون 5 ولاخرابيط ولاشي ولاشي ولاعمرنا سمعنا وحده فيهم قالت انها كانت تطفش ولاكاانو يعرفون كلمة طفشاانه

كانويجلسون العايله كلها كامله ولافيه احد بينهم يضحك مع الجوال

يعني قلنا تغيرت الدنيا وتطورت ولكن اللي جالس يصير امر مبالغ فيه ..

الحين لوسكروعلينا في غرفة مافيها لاتلفزيون ولانت ولاجوال ولاشي وربي مانقدر نقعد ثانيه ولانعيش ابد ابد

ليش طيب نطفش وزمان كانو زيهم زينا ولايطفشوون ولاكانت هالكلمه تطرا في مجالسهم

السبب لانا علقنا انفسنافيهاالتقنيه الفاشله ولاصرنا نشوف الحياه الابها صح لها منافع بس مييييين الي استخدمها صصصح قليييييل

هالجيل صار دلع بزيادة ورجل على رجل ولا شغل ولا مشغله ؟ لييييييييييييييييييييييييه

ليه كل بيت سعودي محتاج لخدامه على الرغم من وجود من 4 بنات الى 6 في البيت الواحد ..والله لووحده منهم لعنت ابليسها ان تساوي عشرين شغاله من الي نستوردهم دلع زايد وطلعات وجيات مع هالسواقين وليتها لمشاورين مهمه الا يروحون يغيرون جو ويوسعون صدورهم ..

ولي يفقع القلب لاشفتي ناس غصصصصصب تجري وراء التطور وقامو يبربرون ويهذرون في المجالس عن الفيس والتويتر والواتس والخرابيط وهم من جنبهاا المشكله انهم كبرجدي عيب ولله هالحركات اعقلوو الناس وصلت القمر وانتو ابلشتوني بالهشتاق والخرابيط حقتكم اسكتو ولي يرحم امكم

فشلتوونا
يازين ايام زمان كانت السووالف غيررر لهاطعم ثاني الحين ان تكلمو ودك يسكتون

كل سوالفهم تجيب الغثى

اعطيكم مثال للواقع الي عايشته صديقتي كان جوالها ابوكلب مدري برج العرب المهههم بعد فتره غيرته لبلاك بيري

الله لايبارك في الي اخترعه لنا

وصاارت ماتضحك ولاتسولف معي كل سوالفهامعه والسماعات من فوق العباه صار شكلها تقلون لاب توب شابكينه في شاحن كل ماروح ادوراحد اهذرعنده الاقيهم يضحكون ويسولفون مع الجولات ع بالي يضحكون معي
صار زمااننا زمااااان الصمت ماحد يكلم احد كل واحدفي حاله

وربي خواتي في البيت نسيت شكلهم اربع وعشرين ساعه ع الجولات وع الفيس بوك -الله ياخذ ابليس الي اخترعهم
وحتى ان سولفو ودك يسكتون صارت سوالفهم ماصله كلها عن نكت الفيس

هذي شغله خلصت منها ----

الشغله الثانيه الي البنات طايحين فيها وهي مووووضةالدلع الماصل الي ودك تقتلين صاحبته ورجو امنا فيه كل مااروح منتدى فلانه ودها تصير طبق الاصل من علانه وكان الدلع الماصل شعر تحفظه المشكله ان بعضهم كانها يوم تدلع ان عندها حاله نفسيه

لله في خلقه شؤؤن

ع هالطاري اختي قبل فتره تقول انها شافت وحده تفكرها تبكي اوشي تقول يوم ناظرتها زين الاهي تضحك مدري تسولف وبعد التحريات طلعت البنت تبغى تدلع بس مشكلتها انها ماصله - الحمدلله الي ماخلاني اشوفها

المشكله الثالثه الي راح اتطرق لها

وهي جراايم الخدم

لاتلومووونهم لوموانفسكم اييييييه لومي نفسك

فيه احد ضربك ع يدك وقال دخليهم مع الباب

اعرف بنات كاس المويه ماتجيبه لها الاالخدامه ..

يعني وجودها مثل عدمها ولذلك كثرت العماله عندنا وياكثر مشاكلهم والمشكلة لاسوو مشكلة حطينا السبب فيهم لا والله انا من هذا المنبر اقولها المشكلة فيكم انتم يالبنات حلوها بنفسكم وفكونا من غثى الشغالات ومشاكلهم الي ماتنتهي ..

..

انتم والله السبب وانتم اللي بيدكم الحل اتركوا هالحركات وساعدوا امكم في المطبخ وخلونا من حركات المياعه وارجعوا زي بنات اول ..

ارجعوا الى رشدكم الأمة الإسلامية بحاجة لكم ..

هل تعلمون أنكم تجعلوننا نفر منكم بهذا الطابع المخزي والدلع الماصل ولي يفقع المراره ؟

؟

ملاحظة :

ماوضعت الموضوع الا لتوعيتكم وأتمنى الردود تكون لإيجاد حل لهذه المشكلة التي ستدمر الشعب في غضون سنوات قليله ( إن أستمرت ) ..</B>

وتراني اكتب اللي بخاطري واهم شي اوصل الفكره بأسلوبي فلا يجي احد يتفلسف ويدور الأخطاء طبيعي تكون موجوده لكن اهم شي اوصل رسالتي - ولاتنسوون كلمةشكرا بعد القراءه واعلمن ان موضوعي هذا ماهو الى سلسله لمواضيع قوويه - والسلام عليكم ورحمةالله وبركاته -