خلاصة المستوى السابع تسويق - طلاب

[حسان السراقبي]

السلام عليكم ورحمة الله وبركاته

أنا بصراحه ما سويت هذا الموضوع إلا علشان شفت كل حاجة بتخص الترم الحالي للمستوى السابع حقنا منتشر في كل مكان وغير منظم

فهنا حاجمع لكم كل شيء مره وحدة , ووقتها ما تصيرو مضطرين تدورو كثير عن المطلوب منكم

نبدأها بسم الله


مادة إدارة وتصميم تطبيقات الانترنت

الاستاذ رامي باعظيم معروفة طريقته , بيعطينا ملخص صغير الاختبار ما يطلع عنو
والمادة مره سهله ما تحتاج وقت طويل في الدراسة , والمذكرة موجودة في الرابط تحت


مادة إدارة العلامات التجارية

المادة سهله شوية , وطريقة المادة زي طريقة مادة اتصالات تسويقية , حتلاقو المواضيع مره متشابهه , وكلمة علامة تجارية متكرره كثير , فما تحتاج منك إلا تركيز , والمعتمد في دراستها العروض حق المادة يالي جمعها لنا حبيبنا أبو فايز في مذكرة جاهزه للطباعة موجودة على الرابط تحت


مادة الإعلان والترويج

مادة جدااااااا سهله ومعلوماتها متكررة كثير من مواد التسويق يالي عديناها أول , مدرسه الدكتور شاكر , اسئلة ما تجي فيها صعوبه بس لابد من كم سؤال فيه لف ودوران , المادة لها مذكرة سواها لنا كمان أبو فايز الله يسعده دنيا واخرة موجودة في الرابط تحت


مادة إدارة مشاريع

المادة هذه حتكون صعبة على بعضنا , وحتكون سهله على الباقي , علشان المادة بتتعلق بالادارة بشكل بحت , فكل مين هو فاهم بهذه الامور حيستوعب معظم المادة , الكتاب كله 4 فصول , أول فصلين منها لها عروض انا جمعتها لكم بمذكرة من 10 صفحات موجودة في الرابط تحت , والفصلين الباقيه مع الاسف كامله من الكتاب


مادة استراتيجيات التسعير + مادة إدارة السلع والمنتجات

أنا جمعت المادتين علشان كلامي عنهم واحد , المادتين سهله بشكل عام , ولكن صعوبتهم تكمن في طول المادة , لان المذاكرة حتكون من الكتاب , ولكن الحلو في الموضوع أنو الاستاذ هتان عبد الاله ساعاتي حذفلنا شوية من المنهج وضحها لنا أبو فايز على هذه الروابط

http://www.skaau.com/vb/showthread.php?t=630198

http://www.skaau.com/vb/showthread.p...=1#post6155337


وهذا رابط الملخصات يالي موجودة ومتاحة معانا للترم الحالي جمعتها لكم في ملف واحد مضغوط
http://www.mediafire.com/?q7kwbk4gwe74f79


بالنسبة لكتب مادة ادارة المشاريع , وادارة المنتجات , واستراتيجيات التسعير , غير موجودة على الاطلاق في المكتبات , بس في نسخ موجودة في مركز خدمات الطلاب A4 حصلنا عليها من الاساتدة نفسهم علشان تكون واضحه , موجود هذا المكان جنب كلية التربية أو كلية المعلمين يالي حضرنا فيها المستوى الثالث في شارع صاري , وهذا رقم جوال يالي هناك علشان تسألوه عن المكان
سمير أحمد
0590814863

سعر الكتاب 20 ريال , يعني كلها 60 ريال , وهذا ارخص شي وأحسن مكان لقيناه

يالي من خارج جده وحابب أني ارسله الكتب هذه , يحولي قيمة الكتب وقيمة الشحن وحتوصله في يومين إلى 3 أيام بالكثير
سعر الكتب 60 ريال , وسعر الشحن في أرامكس 100 ريال
هذه اسعار موحدة , مالي منها ريال واحد , وهي خدمة مني لكم لوجه الله
حولو لي المبلغ على حسابي في البنك الأهلي , وارسلي رساله باسمك ورقم جوالك والمدينة يالي انت فيها مع اقرب فرع لارامكس لك

رقم الحساب
البنك الأهلي
13358845000110

لهنا نكون انتهينا من كل شيء للمستوى السابع تسويق , وفي حال استجد شيء بعد الدورة في عسفان حأبلغكم فيه مباشرة إن شاء الله

اتمنالكم كل التوفيق

أخوكم
حسان السراقبي