طالبات بحث وتدريب >> وفاء اليافي >>استفسارات

[memo moon]

المناقشه سهله وربي لاتخافو ولاتفكرو كثير الدكتوره على قوله تسونامي تجيب العافيه وربي مريحه ورايقه ولاتخافو محد بيكون معاكم ف الغرفه بس انتي وهيا والمناقشه مو تسميع بس اسأله عامه عن تقريرك
والفرضيه هيا عباره عن تخمين او استنتاج مؤقت لايدوم طويلا يبقى مع الباحث الى ان يصل لنهايه البحث ويتاكد من صحه الفرضيه من عدمها وفيه بنات سألتهم عن تعريف العينه وهيا عباره عن نموذج او جزء من وحدات المجتمع الاصلي المراد عمل البحث فيه
والبدائل مهمه الكل تقريبا سألتهم عن البدائل والبديل الامثل وسبب اختيارك له
والمراجع كمان راح تسأل على اي اساس رتبتيها وطبعا على اساس الابجديه لاسماء المؤلفين وبعدين الكتاب والطبعه والتاريخ بالترتيب
ووحده سألتها من وين جبتي كتب المراجع البنت اتخربطت وسكتت وبعدين قالتلها من جرير قالتلها ليش مارحتي مكتبه الجامعه وقالتلها ايش اكثر ماده حبيتيها من اول سنه الى الان
ومهم يابنات صفحه العنوان يكون مكتوب فيها دراسه تطبيقيه على المكان اللي اتدربتي فيه
وكمان حتسألك ايش استفدتي من التدريب وكمان ايش استفدتي من ماده البحث والتدريب
والله يوفقكم جميعا يارب