تجربتي مع خطه ب

[رنا السلمي]

السلام عليكم
ان شاء الله تكونو قضيتو اجازه حلوه
المهم بكتب لك تجربتي مع خطه ب

اول شي الي يقولك اصعب خطه هي ب غلطانه غلطانه كل مافي الموضوع مافي ماده تقدر تقولي انها مضمونه كلها محتاجه تعطيها حقها وتركزي فيها

بالنسبة للكيمياء انا اخذت الماده مع دكتوره إكرام دانش وكانت الماده الوحيده الي فعلا ما اشيل همها
الله يسعدهاا كان كل شي واضح والسلايدات فيها اهم النقاط والزبده زي مايقولو
تترجع تشرح كل شي حتى الي اخذتيه بالثنوي وتحسيه سخيف ترجع تشرحه طبعا هالموضوع كان يخلينا نتأخر عن باقي الشعب ولكن طبعا فادنا وساعد كثير
طريقة المذاكره اول شي من السلايد طبعا فيه امثله مره مهمه وتمارين بعدين لكل تشابتر تنزل تست بناك مرره مهم وتنزل كمان مراجعه شامله كمان مره مهمه
كانت تقول ذاكرو البوروبلمز الي بالكتاب لكن انا ماكنت اذاكرها وماقيد جا منها شي
كمان الي ماتقولو بالمحاضره تكون الافكار موجوده في التست بانك حقها الي بموقعها فممره لا تهملو استغلو الكيمياء ترفع معدلكم




بالنسبة للاحياء كانت اكثثثر مااده صعبه على كل الدفعه بشكل عام والكل بيشتكي
طبعا انصحكم بدكتوره حنان الشاااذلي لو تقدرو تحضرو عندهااا مرره رح تساعدكم
واذا ماقدرتو خذو سلايدات احد يدرس معاها لانو تقول ملاحظات هامه واشياء مهمه وطريقة الاسئله احيانا
نصيحه لكم مررره لاتراكمو الماده على الاقل اقروهاا عشان ماتسير عليكم الكلمات جديده وصعبه وماتقدرو تحفظو بسهوله
كمان رح تحسو انكم تذاكرو وكأنكم ماتذاكروا عادي تحتاجي تعيدي اكثر من مره فمررره حاولو تخلصو من الماده قبل الاختبار بكم يوم
طبعا بنسبة للاسئله مررره كانت واضحه ومباشره وسهله جدا لكن في اختبار شوي صعبو جابو معلومات من الرسومات لاتطنشو كل الرسومات بعضها مهمه ويجي اسئله عليها


اما الاحصاء كنت اخذ الماده مع دكتوره شفياء صراحه كثير مدحوها ليا وهي مررره اخلاق وتساعدك مرره كثير ولكن ماكنت احس انو اقدر اجيب درجه كويسا بالاختبار كان دايما تجي افكار جديده مانشرحت ولكن مو كثثير طبعا انا ماكنت احضر السكشين يمككن عشان كذا ممكن تكون هالافكار موجوده فطريت اروح عند مدرسه خصوصيه واكتشفت انو السر في نماذج الاختبارات القديمه طبعا دكتوره شفياء تجيب نماذج السنه الي فاتت لكن حاولو تجيبو لسنوات قبل مررره كل الافكار الجديده تقريبا بتتكرر فحاولو تحلو قد ماتقدرو وبيكون سهل ان شاء الله في بنات مدحو دكتوره سماح سننندي انها مررره تمام


على العموم بالنهايه كلو رزق وتوفيق من الله
والله يكتبلنا كلنا الخير وتخلص السنه على خير
بأعلى المعدلات والتخصصات الي نبغاها