التحويل من انتساب لانتظام

[ميموشآ]

المشاركة الأصلية كتبت بواسطة هيبة ملاك انا درست التحضيري انتساب وغير سعوديه ومعدلي الحمدلله كان فوق 4.75 رحت لقسم الرجال اقدم طلب تحويل للانتظام وكان دا الكلام بعد ماخلصت السنة التحضيريه وكان التقديم برمضان شهر 9 المهم راح الوالد مره ومرتين وتلاته وهما يصرفوه بس مايئسنا وحاول الين اخدو اوراقي وعبيت استماراتي وكل شي وقالو انتظري الرد الترم التاني من السنة الجديده >> يعني لا تيأسو اذا الموظف صرفكم من اول مره السنة الجديده درست الترم الاول انتساب ونزل معدلي عن 4.75 بشويه وكنت خااااايفه مايقبلوني الترم التاني انتظام عشان معدلي نزل عن المطلوب بس الحمدلله واحد من الموظفين طمني انو عادي لو نزل اهم شي وقت ماقدمت كان فوق 4.75 والحمدلله انقبلت الترم التاني انتظام بس للاسف درست ترم جغرافيا وماارتحت فيه ورجعت حولت انتساب (ادارة عامه) لان التخصصات المتاحه للمحولات من انتساب لانتظام كانت غير مرغوبة بالنسبة ليا "جغرافيا_دراسات اسلاميه_لغة عربية_انجليزي" ولعله خير انتقالي للانتساب .. وكانت الدراسة بالفيصليه مو بمقر الجامعه وقدمت طلبت تحويل وتعبت وانا احاول بس ممنوع لاي طالبه كانت انتساب انها تغير من التخصصات اللي ذكرتها .. معليش طولت بس حبيت اكتب تجربتي وتستفيدو مني

الللله يوفققققك وجزاك الله خيررر
انا عشان اتجنب اللفه الطويلة اللي مريتي فيها فكرت احول الى رابغ كلية ادارة الاعمال لان التخصصات اللي في الفيصلية غيرر مرغوبة عندي زيك وقالولي انو اي احد يتحول من انتساب على طول ع الفيصلية وحوسه من جديد فسالت ازا اقدر احول لرابغ انتظام قالولي ينفع وانا ان شاءالله ناويه اعمل كدا ايش رايكم واللله يعيييييييننا ويوفقنا