الف مبروك للخريجين والخريجات واللي بتخرجون عما قريب بإذن الله

[شيماء الرياض]

عقبال الدرجات العليا بالدنيا والاخره
وعقبال باقي الطلاب والطالبات
ياليت اي طالب أو طالبه خريج أو قريب التخرج يضع بصمته ويصف شعوره وماهي الخطوة اللتي بعد استلام الوثائق والاتجاه الى هيئة التخصصات الصحيه وتصنيف الشهاده ؟
أيضاً لكي نكون على درايه بالاجرءات لك مدينه والتواصل خاصه مع اللي قريب من الجامعه عشان نعرف اذا تم توزيع الوثائق لانهم يتقدمون احيانا عن التقويم اذا كانوا جاهزين حسب ماتم فعله الترم اللي فات ... والله أعلم
وأيضاً أبشركم سألت أحد الزملاء في ديوان الخدمه المدنيه عن التقديم عليهم قال بالحرف الواحد أخصائي ترى القبول فوري وما أدري وش قصده علماً اني عسكري فني حاسب آلي وقلت ابي اغير وظيفتي
(وراح أسأله على رواقه لاني سألت على عجله) بعد إستلام الوثائق وأعطيكم التفاصيل وخلونا نتعاون فإن يد الله مع الجماعه
كماهم يتعاونون علينا بأنظمتهم المتناقضه وأيضاً فيه واحد طرح فكرة نرسل لداوود الشريان فقط نريد نكون حسنه للي بعدنا وإنقاذ للي قبلنا عن هالناس اللي تحد الطلاب والطالبات بحجة 30 ساعه تدريب غصب عشان يكسب فلوس قبل يصنف الشهاده ويمص ما بالجيب الله يسلط عليه من يمص دمه والله يعطيه على قد نيته.
بس نوثق كل شي ونتأكد من المعلومات المنقوله لنا بالمنتدى نصور ونسجل ونرسل كل شي طبعاً أنا بالرياض ومعي زميلان متخصصين بهالشغلات وأيضاً جميعنا نفس التخصص وجميعنا خريجين بإذن الله .
محبكم أبو حكيم