تجمُع طآلبآت بحث وتدريب - د/ أمل دمنهوري ~

[gardenia]

مسآء الخيرآآت حبيبآتـــي

اليوم إجتمعت فينآ الدكتورهـ / أمل دمنهوري ~

مبدئيــاً هي دكتوره طيبه ومتفهمه ومتعآونه الحقيقه لكنها دقيقه جداً وعندها الإلتزآم بالمواعيد والأوقات مهم جدآ ..

صرآحه أنا كنت خايفه وشآيله هم لكن بعد ماجلست اليوم معاها أنا والبنات حسيتها

مهتمه وبتحاول تفهمنا قد ماتقدر الله يجزآها خير ..

صرآحه حسيتها أفضل من غيرها الحمدلله رب العآلمين ..

طبعآ أعطتنا أوراق فاضيه نحنا نعبيها ببياناتنا يعني أسمائنا وأرقامنا الجامعيه وتخصُصآتنا ..

وأعطتنا ورقه للخطه حقت الماده والتانيه عن كيفية كتابة التقرير ..

وشرحتلنا النقاط اللي فيها ورح أحاول أصورلكم هي بإذن الله ..

قالتلنا انها ماتتعامل إلآ بالإيميل ومارضيت تعطينا رقم جوالها لأنو عندها 50 طالبه وماحتقدر تعطيهم كلهم جوالها :(

على العموم أنا حسيت إنها متعآونه وبإذن الله إنها ترد على الإيميلات ..

وحتى تقول لو جيتي ومالقيتيني بمكتبي أكتبيلي الشي اللي تبغيه وحطيه عند الباب ..

طبعآ يُفترض يكون في ملف عند الباب نحط فيه الأورآق ..

وقالت كمان إنها بتكون موجوده غالبآ يوم الأربعآء والإتنين ..

يعني اللي تبغى تروحلها تروح في دي اليومين وإنشآلله تلقاها ..

بالنسبه للتدريب قالت أتدربو في أي مكان لكن البنوك خليها إحتمالك الأخير لو مالقيتي شي أتدربي في بنك ..

طبعآ غالبآ يُفضل قطاع خاص خصوصا للي مسارهم دوليه ..

واللي ماراحتلها يابنات تحاول تروحلها وتاخد منها الأوراق اللي وزعتها علينا وكمان تكتب بياناتها علشان

هي قالت إنها بتفتح ملف لكل طالبه وتتابعها وتسجل كل شي بتسويه في دا الملف يعني كل ماتروحلها الطالبه تكتب إيش سوت وإيش ماسوت >> هذآ اللي أنا فهمته

وهذآ إيميلها اللي لقيتو في موقعها طبعآ هي ما أعطتنا هو قالت موجود في الموقع ..


nmshd@hotmail.com

طبعآ هذآ كل المهم اللي صآر في إجتماع اليوم والله يوفقنآ وييسرلنآ أمرنا ~

وأي وحده عندهآ أي إضافه تتفضل ويآريت كلنا نتعآون ونتسآعد وربي يوفقنآ جميعآ ~