تجمع طالبات بحث وتدريب - موارد بشرية / أ.سمر عناني

[طيبه جدة]

السلام عليكم ورحمة الله وبركاته
كيفكم ياحلوين أنا الحمدلله على قيد الحياة بعد المرمطة بالجامعة
المهم روحت لأستاذة سمر عناني

أولاً : الأستاذة طيوبه وعسل وتعاملها حلو وشكلها تحب النظام والترتيب ( يعني حاولو تكون مهتمين زيها شوي )
ثانياً : بالنسبة للساعات المكتبية أفضل تروحو لها الساعه 10 يومي الأحد والاثنين فقط غير كذا تقول تنقص من درجاتكم انتبهوووووو الا الدرجات
ثالثاً : أوراق التدريب ( اللي هيا نماذج الشكر والموافقة تختموها في كلية الاقتصاد والإدارة غرفة شؤون الانتساب " اللي هيا غرفة الحذف والاضافة " عند استاذة جهيان حـ يكون مكتبها على اليمين وفوق راسها لوحة قسم العلوم الإدارية " لأنها مسؤولة عن الختم "
رابعاً : بالنسبة لمكان التدريب أي مكان يكون فيه قسم الموارد البشرية
خامساً : طلبت الاستاذة بور بوينت على سي دي وكمان وورد " طبعاً البور بوينت يكون فيه نقاط عامة بدون تفصيل "
سادساً : التقرير يكون في تفصيل أكثر ولازم يكون التغليف فاخر
وتكلمت عن التقرير شوي وقالت أنه الفصل الثاني لازم يتكلم عن الجزء النظري والمشكلة اللي واجهتيها وطبعاً الأفضل تحددي 3 بدائل مو أكثر " حسب كلام الأستاذة " وتختاري البديل اللي يناسب المكان اللي تتدربي فيه " يعني مو الأمثل أهم حاجه يكون البديل مناااااااسب لمشكلة التدريب ولمكان العمل "

بحاول ان شاء الله أنزل لكم مخطط البحث والتدريب اللي أعطتنا ياها "" انتبهو لورقة الملاحظات الهامة اللي بالمخطط ""
ايوا نسيــــــــت أعطتنا أستاذة سمر عناني كمان رقم جوالها للتواصل معاها 0559738470 وقالت تتصلو على شيء مهم وضروري

إضافه (( البحث قالت يكون في أي موضوع يخص الموارد البشرية , والاستبيان مو شرط , إذا ما كان فيه مشكله في مكان العمل شوفي اش اللي يميزهم وتكلمي عنه بتقريريك , ولازم يكون المقدمة والموضوع وخاتمة تتكلم عن التقرير نفسه ( يعني يتكلمو حول الموضوع ولا يخرج عنه ) ))



الشي الثاني

اللي حايسه بالتدريب زيي حالتي ومالقيت مكان تتدرب فيه تدخل على ذا الرابط
http://eduuc.wordpress.com/2012/09/0...d9%8a%d8%a8-4/
وتعبئ النموذج " استمارة التسجيل في برنامج التدريب" وترسله على الايميل اللي باخر النموذج وتنتظر يومين تقريبا اذا ماجاها رد تتصل على استاذة مريم العبودي أو المعبدي " نسيــــــــــــت " المهم اسمها مريم رقم جوالها 0541561450




تعبت أتمنى أكون أفدتكم لو بالقليل هاذي خلاصة فرفرتي اليوم بالجامعة

دعوااااااااااااااتكم ياحلوين لمرضى السرطان اللهم عافهم يارب ولا تبتلي أحداً به

وخلوني أكمل غداي خخخخخخخخخخخ يفداكم التعب
سلااااااااااااااااااااااااااااامو