]| التدريب الصيفي أرامكو 2013 ,*| لـ اِستفساراتكم هنا|*, |[

[Eva160]

المشاركة الأصلية كتبت بواسطة كــاادي السلام عليكم ورحمة الله وبركاته انا طالبة من جامعة الاميرة نورة بالرياض عندي تدريب تعاوني(coop) في ارامكو خلال هذا الصيف في الظهران طبعا قريت تجارب العام الماضي كان أغلبها بطل وأبدعت العضوة ايفا160 وجنان انا مرا محتارة أروح هناك ولا ؟ و هل تدريب ارامكو يستاهل أني أترك أهلي وأتدرب شهر ونص في الظهران وأنا بعيدة عنهم ((خصوصا مافيه احد من صاحباتي بيروح معي والله مرا خايفة اروح لوحدي :( انا قسمي علوم حاسب تتوقعون يطلبون مني كشف الوجه ؟؟ واذا تدريبي عندهم تعاوني يعني مو تبع البرنامج الصيفي أكيد بيعطوني شغل ؟؟ أخاف يكرفوني وينقصون درجاتي :( الله يعطيكم العافية ويوفقكم يارب أتمنى أحد يرد علي ويريح لي بالي بدل هالحيرة الي أنا فيها

وعليكم السلام ورحمة الله وبركاته

مشكوره على تفاعلك ومتابعتك معنا

بالصراحه احس تتدربي في ارامكو وتكسبي خبره منهم راح يفيدك في مستقبلك، باذن الله لما تتخرجي من الجامعه تبعك راح ينكتب في شهادتك الجامعيه انو انتي اتدربتي في ارامكو.

اعرف الاحساس الغربه والخوف لما تكوني بعيده عن اهلك وصحباتك، بس لا تخافي ان شاء الله راح تتعرفي على بنات في الشرقيه وفي قسمك.
ان شاء الله ازا ربنا كتب لي القبول للتدريب الصيفي بارامكو دي السنه انا مستعده اكون معاكي وتنبسطي ومااخليكي تبكي.

بخصوص الاقسام غير الهندسيه عايدي مو لازم تكشفي وجهك وهما مو مره متشددين ، ازا الموظفين شافوكي انسانه اجتماعيه وماتعملي حاجز بينك وبينهم وضعك راح يكون تمام.

اكيد راح يدوكي شغل فيها كرف وراح تنبسطي عليها. بالصراحه معظم البنات اللي اتعرفت عليهم وكان تدريبهم تعاوني من العام الماضي ( الحمدلله انا الى ان متواصله معاهم) الحمدلله كان نسبة تقييمهم 98٪ وفوق من القسم تبعهم.

لا تخافي زي ماقلت لك خليكي انسانه اجتماعيه مع الموظفين والموظفات ، اسألي وطفشي اللي عندك في المكتب، ازا لاحظتي تقييمك فيها ظلم تقدري تعملي شكوى او تطلبي تقييم من جديد.

بالتوفيق وان شاء الله نسمع منك اخبار حلوه عن تجربتك