]| التدريب الصيفي أرامكو 2013 ,*| لـ اِستفساراتكم هنا|*, |[

[فهد الجدعاني]

المشاركة الأصلية كتبت بواسطة unknown soul عفوا؟! يعني دحين أنا تخصصي أي تي, فأتوقع بدلا ما يحطوني في قسم الأي تي ألاقي نفسي في قسم المختبرات مثلا؟! كيف اللخبطة ذي؟! أنا رايح هناك علشان أتعلم أكثر عن تخصصي وعن الشغل حقه, مو ألاقي نفسي في قسم مختلف عنو ولفترة 8 أسابيع!!! أتمنى معلومات أكثر في خصوص ذا الشيء وخاصة من جميع الطلاب والطالبات اللي جربو التدريب قبل كدا, وهل أقدر أغير القسم اللي حطوني فيه اذا طلع مالو علاقة بالأي تي؟

عن تجربة أقولك توقع إنك تكون في قسم غير تخصصك الصيف اللي فات كان تدريبي في أرامكو و للأسف حطوني في قسم أنظمة الحماية من الحريق ما كان في أي رابط بين القسم و تخصصي أول ما عرفت القسم على ما أعتقد في بداية القبول إستغربت من القسم و سألت المسؤول في جدة إذا في علاقة بين القسم و التخصص بس قالي ما راح يحطوك في القسم إلا إذا كان تخصصك مطلوب في نفس القسم و توكلت على الله و قبلت التدريب لكن يوم بدأت التدريب اليوم الأول و الثاني تأكدت فعلاً إن القسم في وادي و تخصصي في وادي ثاني حاولت أنقل من القسم لقسم ثاني أقدر أستفيد منه لكن للأسف قعدت شهر و أسبوع أحاول لكن لا حياة لمن تنادي و على فكرة في أكثر من شخص أعرفه تدرب في قسم ما لو دخل في تخصصه