]| التدريب الصيفي أرامكو 2013 ,*| لـ اِستفساراتكم هنا|*, |[

[Unknown Soul]

المشاركة الأصلية كتبت بواسطة eman 92 من زمان اتابعكم من السنة الي راحت وتجمعكم وكنت ابي اخلص سنتين عشان اقدم على التدريب أحس تحطمت انو للحين ماجاني مسج قبول مع ان معدلي فوق 4.50 مادري هل القبول الي ارسلوة يعتبر ع دفعات او احنا انتظار واذا احد الغى يجي احد مكانهم ؟

المشاركة الأصلية كتبت بواسطة eva160 اجراءات القبول يكون عن طريق ليست المركز الرئيسي هما يقوموا بتوزيع الاسماء المقبولين والمقبولات للموظفين. وكل موظف يقوم بارسال المسجات القبول. "كده بتلاحظي كل شخص عندو مسج قبول غير عن التاني" اجراءات القبول يكون على حسب التخصصات المطلوبه للشركه. مثلا اللي متخصص جرافيك ديزاين واللي متخصص دراسه اطفال مع انو راح تلاحظي دولا الفئه معدلاتهم العاليه . دولا ماراح يجي لهم مسج قبول. مثال تاني. مثلا على حسب الاقسام زي القسم اللي انا كنت فيها المشرف دكتور حمود العنزي كل سنه كان يطلب طلاب تدريب يتدربوا في قسموا بس العام الماضي قال لمكتب التوظيف انو هوا مايحتاج طلاب تدريب في قسموا. بعض الاحيان في اقسام فجأه يغييروا رايهم في اخر لحظه انو هما حابين طلاب وطالبات تدريب. اصبري كده شهر او شهر ونص .ان شاء الله ربنا يكتب لك القبول باذن الله

حتى أنا معدلي فوق ال4.5 ولسى منتظر مع إنو في واحد من زملائي في قسم الأي تي جاتو رسالة القبول من الأربعاء اللي فات مع إنو معدلو في ال3. أنا ودي أفهم آلية القبول عندهم كيف؟! مو معقول انتظار الين دحين ونحنا جايبين معدلات كويسة, أبغى أعرف أنا من قائمة المقبولين أو لا؟! واذا كنت موجود في لستة المقبولين حقتهم ليش ما جاتني الرسالة من الربوع اللي فات؟!!! علشان اذا الله ما كتبلي أروح أشوف شركة ثانية قبل ما كل الشركات الكبرى يكتفو بعدد طلاب التدريب الصيفي وتروح علي ذي كمان. أنا التدريب الصيفي عندي اجباري ولازم اتصرف قبل فوات الأوان!

أنا كان عندي أمل كبير انها تجيني رسالة القبول باعتباري من أعلى الطلاب في المعدل فعلشان كدا ما حبيت أروح أقدم في شركة ثانية, بس للأسف نظام الشركة فاشل بمعنى الكلمة, اذا ما كانو يقبلو الطلاب على حسب المعدل أجل يقبلوهم عن طريق ايش؟!!!

معليش أعذروني على انفعالي, بس رسالة القبول ذي سببتلي الجنون, تخيلو اني كل ما أنام أحلم نفس الحلم! إني جاتني رسالة القبول على جوالي وأول ما أصحى على طول زي المجنون أسحب الجوال وما ألاقي شيء! -___-
الله يكتبلنا القبول جميعا والله المستعان.