]| التدريب الصيفي أرامكو 2013 ,*| لـ اِستفساراتكم هنا|*, |[

[Unknown Soul]

المشاركة الأصلية كتبت بواسطة mr.samie القبول ماله علاقة مباشرة بالمعدل هو على حسب اهمية التدريب مطلوب من الجامعة ولا لا هم يسألونك بالابلكيشن وايضا الاترام اللي خلصتها مع المعدل كل هذي خلطة تطلع بالترشيح .. وعادي تلقى واحد معدله عالي وبالترم الخامس ينقبل واللي بالترم الثامن او التاسع ما ينقبل لأن المعدل يكون كبير وفرق شاسع بينهم اما اذا كانوا متقاربين فيقبلون ابو اترام اعلى .. ثانيا القبول يتعلق ايضا باحتياج الدائرة اللي طلبت التدريب على حسب ممكن طالبين واحد او اثنين او ثلاثة او خمسة او عشرين او ثلاثين .. ممكن تلقى المستشفى طالب 10 ممرضين وصيدلي واحد .. بالتوفيق

وهذي هي المشكلة! أنا التدريب عندي مطلوب من الجامعة وأكدت على التأشير عليها في الابليكيشن لمن سجلت, والأترام اللي خلصتها أكثر وهذا اللي أنا فيه حاليا الترم الثامن, ومعدلي يعتبر الأعلى على مستوى الكلية, زي منتى شايف أنا متوافق مع كل معايير القبول للتدريب, ومع هذا إلى الان اثنين من الطلاب أقل مني انقبلو للتدريب وأنا لسى انتظار!

أنا فكرت فيها وقلت إنو ممكن اسمي من القائمة اللي حتجيلهم رسالة القبول, بس الارسال حيكون عشوائي لكل الطلاب, فممكن حتجيني الرسالة بكرا أو بعد أسبوع والله أعلم.

أنا اتصلت أمس بعد الظهر على هذا الرقم: 038772925, هذا أكثر رقم شفتو في ذا المنتدى يخص حق التدريب الصيفي وأكثرية الأعضاء يتصلون عليه علشان يستفسرون على التدريب. المهم أنا كلمتو ورد عليا موظف (من صوته حسيت إني قيمتو من النوم هههههه) فقلتلو هذا الرقم اللي يخص التدريب الصيفي حق ارامكو؟ فقلي لا هذا رقم مكتبي.
فقلتلو سمعت هذا الرقم يخص حقون التدريب الصيفي. فقلي لا اذا تبغى الرقم اللي يخص التدريب الصيفي اتصل على 038748000, اتصلت عليهم وجلست انتظار الين طفشت بسبب إنو مشغول مع متصلين ثانيين فقفلت. بكرا حكلمهم وان شاء الله يردو, أبغى استفسر أكثر عن آلية القبول عندهم وعن اسمي اذا كان في قائمة القبول أو الانتظار, ومتى حينتهي فترة ارسال القبول اللي هم موجودين في قائمة المقبولين.
فحبيت أعرف هل في رقم تلفون ثاني مباشر أفضل للاتصال عليه؟

ولي استفسار أخير مخوفني, أنا شايف إنو بعض الأعضاء اللي معاهم حساب في الهوتميل ما جاتهم رسالة القبول وبس تيجي على الجيميل!
كيف كدا؟ هل هذا معناته إنو اللي جاتهم رسالة القبول كانو على الجيميل؟
أنا لمن سجلت في التدريب قبل شهرين تقريبا جاتني 3 رسائل منهم على إني سجلت بنجاح وسيتم الرد علي لاحقا, وأنا مستخدم للهوتميل.