تجمع المقبولين في ماجستير اقتصاد

[mola]

المشاركة الأصلية كتبت بواسطة soso139 mola بأسألك أسئلة عامة طالما باقي مابدأنا دحين أنا راح أبدأ بدون تكميلي لأن تخصصي كام اقتصاد فبسألك دحين نحنا مطلوب مننا نخلص في سنتين ؟ وكيف نظام المكافأة ؟ وهل بالإمكان أخذ صيفي ؟ و بالنسبة للرسالة هل تكون في الترم الأخير لوحدها أو عادي لو حطيت معاها مادة اختيارية ؟ أنا راح أقولك عالفكرة إلي في بالي واعطيني رأيك فيها فكرت إنه أقسم الدراسة كلها على 4 أترام الترم الأول : مادتين إجبارية + مادة اختيارية الترم الثاني : مادتين إجبارية + مادة اختيارية الترم الثالث : مادتين إجبارية + مادة اختيارية الترم الرابع : مادة اختيارية + الرسالة هل هذا التقسيم إلي فكرت فيه راح يكون من مصلحتي أو لا ؟ أنتظر ردك أخت mola بناءا على تجربتك إيوة إيوة وكمان آخر سؤال بالنسبة للمواد الاختيارية هل تنصحينا ناخذ المواد إلي أخذتيها أو الابتعاد عن بعض منهم ؟ يعطيكي ألف عافية

هوة فيه فترة معينه المفروض ما نتجاوزها في الدراسة اتوقع اربع سنوات اذا مو غلطانه
والمكافئة مع بداية الترم تطبعي جدولك وتروحي مبنى 13 غرفه 9 يمكن اذا مو ناسية المهم تسألي عن الغرفه تبع المكافأت وتعطي الموظفه الجدول وتقولي لها انك ماستر وتبغي تقدمي على المكافأة وتعطيكي موعد تراجعيها وتاخذي البطاقة وتروحي تفعليها من بنك الجامعه. . طبعا المكافأة 890ريال ولمدة سنتين فقط
ما فيه صيفي في الماستر واحنا كلمنا رئيس القسم علشان نبغى صيفي ورفض
تقسيمك حلو بس انتي عارفه يمكن الجدول ما يضبط معك على هذا التقسيم وتضطري تغيري على العموم انتي شوفي الشعب الدراسية من الاودس للسنه الماضية وغالبا المواد ما تتغير مواعيدها وظبطي جدولك كله. . وممكن تاخذي مشروع بحثي بدل الرساله وتخلصية في الترم بس في هذي الحاله لازم تدرسي اربعة عشر مادة مع المشروع
بالنسبة ﻷمواد الاختيارية في المشروع البحثي المطلوب مننا اربعه حقول وفي الرساله حقلين والحقول المفتوحه واللي تدرس بالقسم خمسة حقول وانا عن نفسي قاعدة ادرس الحقول اللي وقتها مناسب معاية واغلب الحقول اذا فيها دكتور كويس تلاقي المادة الثانيه دكتورها مو تمام يعني كلها في الهوا سوا. . بس انتي بما انك ناوية على رساله فيه عندك امكانية تختاري وارشح لك حقل تقييم وجدوى وانتي اختاري الحقل الثاني لما تداومي وتكتسبي خبرة من البنات