إختبار الكفايات .. الله يصبرنا بس

[najmah]

السلام عليكم ورحمة الله وبركاته,,

أنا حصلت ولله الحمد على منحة ماستر إدارة أعمال وأنقبلت وكل شيء باقي شرط اللغة .. إختبرت في شهر 4 وكانت درجتي 375 من 400 وللأسف ما أنقبلت .. سجلت في هذا الإمتحان وتعبت وشديت حيلي أكثر من الإمتحان الماضي وللأسف كالعادة الوقت مايكفي والقاعة برد يعني ما أدري المراقبات مايحسوو ولا ايش بجد اترفع ضغطي وضاعت أفكاري وتوترت من البرد هذا .. وكمان القطع الكثيرة اللي ماتخلص هذا غير التضليل اللي المفروض يعطونا ع الأقل 5 ولا 10 دقايق نشيك ع التضليل نهاية الإختبار ..

مشكلتي القسم الأخير .. لضيق الوقت اللي أخذته القطع معاي حاولت إني أكمل باقي الحل وأعمل إشارة ع الإجابة تضليل خفيف وأرجع لها بعد الامتحان بسرعه .. أنا كملت باقي الإجابات وأبغا أرجع أعدل التضليل وأضلل الدائرة كاملة الا ألاقي الوقت إنتهى والمراقبة قدامي ماكان فيها ذرة رحمه .. مارضت تعطيني ولا دقيقه وحده حتى أعيد عليها بجد إنقهرت كنت شوي وأبكي من القهر وأقول لها كملي من الصف وارجعي لي مارضت آآآه بس .. الحين ما أدري راح تتصحح كمبيوتر الاجابات ولا بجد ماتشاف ويروح كل تعبي والله بأتحطم من جد ..؟؟

ثاني سؤال لو لاسمح الله وماجبت معدل أعلى .. أقدر أغير تخصصي مثلا إدارة عامة ولا إقتصاد ولا ماينفع عشان بس أعدي شرط اللغة وما أخسر المنحة ولا ما يمديني ..
أرجوا منكم الإفادة وبالنسبة لمركز قياس ياليت تتطلعوا على تجاربنا وشكاوينا وتغيروا شوي من الإختبار والقاعة مو معقوله كل سنة راح تتكرر نفس المعاناة ؟؟؟؟؟؟؟؟؟

وبالأخير .. الحمدلله على كل حال الله ينجحنا ولا يضيع تعب أحد ولا تنسوني من الدعاء ..