أفضل الدكاترة في السنة التحضيرية ( فرع شمال جدة )

[bahamdain]

السلام عليكم
جمعة مباركة...

بدايةَ يا شباب هذه وجهة نظري أنا وفي كثييير بوافقوني بس ما يعني ان في بعض الطلاب يفضلوا دكاترة ثانييين
بس إلي أنا بتكلم عنهم هم الأفضل صراحةَ .

أنا درست السنة التحضيرية في شمال جدة
وبفيدكم عن أفضل الدكاترة هناك
أول شي ببدأ بخطة أ

الرياضيات : إلي أعرفه وشفته فيه دكتور مصري واظن فيه واحد ثاني بس ما اعرف اسمائهم
بس أفضل واحد معيد سعودي أسمه محمد الحربي شباب وطويل شوية بس والله مزبووووووووط
أصلا أول ما تشوفوه ترتاحولوا هذا نصيييحة حولوا عليه على طوول .

الفيزياء : طبعا هذه المادة لازم ولابد وغصبا عنك تجيب مدرس خصوصي او تروح لخصوصي وطبعا مافي أفضل بالفيزياء من الدكتور الخصوصي أشرف بركات بدون مجاملة
طبعا هناك الدكاترة كلهم مو قد كدة يعني ما تطلب عناء التحويل من دكتور لدكتور اذا تبغى تروح مدرس خصوصي
بس أفضل واحد على حسب علمي دكتور مصري أسمه بهجت كمال مزبوط بس ما يغنيك عن الخصوصي .

مهارات الإتصال : أنا صراحة درست عند الدكتور بندر المساعد هو ممتاز بهذه المادة وهو مدير قنوات المجد في المنطقة الغربية
أكتبوا عنه باليوتيوب تشوفوه بس المشكلة لمن يكلفك بالتكاليف يكلفك فيها كلها في بعضهم يتساهلوا يعني حتنكرف شوية .. بس الصراحة شغله حلاال
ومررررة طيييب .

الحاسب : هذه المادة سهللة وروووعة بس ما اعرف الا الي درسني وهو واحد شباب ووسيم وصغير وابيض<.. هههههههه إيش رأيكم بالوصف
المهم أنه مزبوووووووط.. فيه غيره بس ما اعرفهم .

خطة ب

الكيمياء : هم اثنين ممتاااازييين أولهم والي انا درست عنده دكتور مدحت والثاني دكتور أحمد حسن والإثنين مصارية بس مزاابيط
ويدفوا درجات خاصة مدحت عشنه طيب مرررة كمان .. فيه غيرهم بس ما اعرفهم انتوأ أسألوا بس الصراحة مدحت مرررة عجبني .

الأحياء : ((( دكتور عصام يوسف وأرفع يدك ))) وبس ... أفضل دكتور أحياء في الجامعة وبالجنوب كمان ... محد ينكر هذا الكلام دام انه درس عنده .

الإحصاء : فيه كذا دكتور بس تضل مادة سهلللة مرررة .. بس إذا تبغوا تضمنوا الـ a+ روحوا عند الدكتور عادل فرحان وهو دكتور سعودي مرررره ممتاز ومشهوور بالزززبــــــد .

الإنجليزي ما أقدر أحكملكم مين الأفضل بس كلهم مزابييط
وأفضل واحد درست عنده دكتور إعجااز الصراااحة.

والله يوفقكم إن شاااء الله .