الإستعداد لإختبار تقييم البرامج الحكومية - شاركنا وبتدعيلنا بعد الإختبار

[Mohammed A. S]

السلام عليكم ورحمة الله وبركاته

اخواني الافاضل

يوم الثلاثاء عندنا إختبار تقييم البرامج الحكومية pad436

بيتم حل النماذج المتاحة لدينا ولكن طلب مهم جدا ,, لكي تستفيد يجب ان تقوم بالحل بنفسك أو على الأقل تحاول وإذا ما عرفت الجواب ,, على الاقل تتأكد من الجواب ,, كل الطرق هذه تساعدك على مراجعة المادة وتثبيت المعلومة .

متفائل بهذه المادة اكثر من موازنة ومالية عامة ,,, حسب ما سمعت من الشباب انها سهلة .... ياشباب مهم جدا انك ما تسمع لكلام غيرك خاصة اللي يجي ويقول هذه مادة غثيثة ولا هذه مادة صعب وما فهمتها الخ..

يمكن الشخص هذا ما درس او ما فهم المادة لا تحط نفسك في مكانه لانه مو من مصلحتك . انت لازم تقنع نفسك في البداية بأن المادة سهلة مهما كانت صعوبتها وأبذل جهد وذاكر بتلاقيها سهله , اكيد في البداية بتواجه صعوبة وبتحس بأنها غثيثه على قولتهم لكن بعد ما تبدا تحل في الأسئلة وتقرا من الكتاب بتلاقيها سهله ,, يعني معلومات اول مره تقراها وتسمع عنها أكيد بتكون صعبه في البداية لكن بعد ما تاخذ عليها ذاكرتك وتتكرر المعلومات معاك والكلمات والمعاني بتنحفظ ويمكن يوم الاختبار تحله في دقايق لان الاسئلة مرت عليك ما يحتاج تفكر بس تقرا وتجاوب .

* أعتقد اللي كانوا معانا في موضوع موازنة ومالية عامة حسوا بالفرق من بداية الموضوع لنهاية الموضوع ,, صارت المادة أسهل من البداية


المقدمة الطويله هذا بس عشان اقلك خلي ثقة في نفسك بعد ثقتك بالله طبعا .

احنا بنبدأ اليوم بعد صلاة الظهر ,, بس حبيت ابدأ الموضوع عشان نرتبط فيه ,,

أهم شيء يا شباب كل شيء يكون بنظام ... يعني ما نبغى النماذج تتداخل في بعض لازم نخلص نموذج ونبدأ في النموذج الثاني ومهم جدا الحل من الكتاب او المذكرة المعتمدة وطبعا كالعادة لازم رقم الصفحة وسبب الخطأ في السباب ,, التوضيح مهم جدا إذا كان السؤال خطأ لازم نوضح السبب . إذا كان صح ما يحتاج توضيح .


شيء مهم ,, اللي حضروا الدورة نحتاج منكم معرفة هل الفصول كلها داخله في الاختبار ,, وماهو الكتاب المعتمد ,, وطبعا نحتاج بعض النصائح من الشباب اللي أخذوا المادة من قبل .


ولكم كل الشكر والتقدير