اتسكنتٍ تمريض ..؟ تعالي ياقميلة ..

[fto0o]

لوسمحتي ممكن اسألك انا اتسكنت في الحاسب وابا اعرف اذا اقدر احول تمريض دحين يعني بداية السنة دي مع العلم انو معدلي اعلى بكتير من اقل نسبة اتقبلت في كلية التمريض ؟

ممممممممم شوفي ازا نسبتك اكتر في احتمالية كبيرة تقدري ..
اسمعي بكرة مداكي تروحي الجامعة ؟
القبول والتسجيل و كلية التمريض في الشطر الطبي ..

روحي اتكلمي مع وكيلتنا احلام الزهراني دا الاسبوع لانو اخر يوم لهم 23 رمضان الخميس دا

ع الاقل يحطو اسمك في اللستة

وقبل دا كلو اطبعي ورقة تسكينك من الاودس و اتوجهي للقبول والتسجيل - الي إن شاء الله احد فيهم يكون مداوم - روحي غرفة 2 اظن عند الاستازات الكتيرين قوليلهم ابا اعمل تحويل تسكين لكلية التمريض من الحاسب وانا نسبتي اعلى من اخر نسبة قبلت في التمريض ومن هازا الكلام وإن شاء الله خير ..

ازا مامداكي دا الاسبوع .. الجامعة الاداريات فيها راجعين يوم 7 شوال .. روحيلهم على 10 شوال قبل الزحمة وعودة الطالبات والتحضيري والدنيا .. اهم شي لاتهملي الموضوع
وبالراحة إن شاء الله يمديكي .. بس لاتهملي الموضوع لانك لو اهملتيه حيكتفو بالمحولين وماحيكون بستطاعتهم انهم يقبلوكي :s

بالتوفيق وطمنيني عليكي ;)