[ لا يشكُر الله منْ لايشكُر الناسَ ] * غيم تايه *

[عهود العصيمي]

-

بسم الله الرحمن الرحيم

السلام عليكم ورحمة الله وبركاته .

فالبداية ما أخفيكم أني اشتقت لهالقسم الجميل اللي قضيت فيه أحلى سنه من دراستي
وأشتقت للأعضاء بهذا القسم أخواني وأخواتي اللي وقفوا معاي كثير .

ونزلت هالموضوع عشان أشكر بشكل خاص جداً جداً أخوي العزيز [ غيم تايه ]
وأقول له أني ليومي ذا مانسيته من دعواتي لأنه يعتبر هو السبب بعد الله في تحولي من ذاك المستوى للمستوى اللي انا فيه الحين .

انا كنت نوعاً ما متشتته وكنت ابي تخصص معين لكن ماسمح لي المعدل وكانت النفسيه صفر . تقفل كل شيء بوجهي
لدرجة أنو أكثر من مره احاول اسحب من الجامعه .

وكان كل من حولي يحطمني أكثر من ماهو يشجعني ويحمسني إلا [ غيم تايه ]

قال لي ف مره هالحكي

يالعنود .. باختصار أحييك .. جدول رائع ومتمكن .. وتفكيرك سليم ، وحماسك منقطع النظير ، ونقول انها العودة من بعيد .. يبقى الأهم من هذا كله ،، انتي ثم انتي ؟ لازم تكوني العامل الفيصل ، المواد هذه لابد تكون كلها امتياز ان شاء الله حتى يتم التحويل وانتي مرتاحه ، شدي حيلك ، ذاكري اول بأول ، اتعبي الشهور القادمة ، ذاكري بتركيز ،، اشتغلي على نفسك وتعديل معدلك وتطوير مستواك .. ما فيه شيء اسمه مستحيل ، خلاص ما مضى خليه وراء ظهرك ، ابدئي بداية جديدة ، ارفعي شعار اكون أو لا اكون .. نبى نسمع الاخبار الحلوه .. احيانا السنة التحضيرية ، ما نكون محضرين لها بالشكل المطلوب .. والحمد لله انها ليست نهاية المطاف .. طولت عليك ،، اتمنى لك التوفيق والنجاح ..

والله العظيم بعد حكييه هنا شديت حيلي واقسم لكم أقل درجة الحين اجيبها 82 . بعد الله ثم كلامه هنا وقف معااي بشكل كبير

والحين معدلي الحمدلله مرتفع ودرجاتي كويسه وتخصصت التخصص اللي ابيه ومبسوطه جداً بالمستوى اللي انا فيه .

واسفه على هذا الموضوع لكن جد ماحب انسى اللي ساعدني في يوم من الأيام
والله يسعده دنيا وأخرهه يارب

واستودعتكم الله