ملخص ترجمة ( Twelfth Night )

[aseerimz]

القصه تبدأ بولد وبنت توأم البنت اسمها فيولا والولد اسمه سباستيان عندهم موهبة التنكر والغناء والعزف وكانوا مسافرين في سفينه و يمتعون اهل السفينه بعروضهم المهم صارت عاصفه هوجاء () وطاحوا في عرض البحر .. فيولا مع الكابتن ومجموعه من البحاره جرفهم البحر لشاطئ قريب وسباستيان انقذتهم سفينة انتونيو ( انتونيو انقذ سباستيان ووقع في حبه . ) المهم فيولا ظنت ان اخوها مات وهو نفس الشئ .. على الشاطئ شافت فيولا وحده حزينه جدا وتبكي ومعاها قس وناس وزحمه .. سألت الكابتن اللي معها وش السالفه قام قالها انو هذي وحدة يقالها اوليفيا ابوها مات العام والسنه هذي مات اخوها وهي محادده عليه .. عاد فيولا قالت ما ابي الا اخدم هالانسانه لأنها مثلي حزينه على اخوها بس للأسف فيولا ما تقبل انها تقابل اشخاص غرباء واذا طلعت الشارع تتغطى من كثر حزنها على اخوها .. يعني بالمشرمحي ( ) ما يمديها تشتغل عندها
قالت طيب من هو المسؤول عن هذي المدينه ( العمده او شئ من هذا القبيل ) قالها واحد يقاله اورسينو لكن ما يوظف عنده الا رجال وهو يموت في اوليفيا واوليفيا ما تعطيه وجه فقررت فيولا انها تتنكر في زي رجال حتى تعمل في بيت اورسينو واستخدمت ملابس اخوها سباستيان وساعدها الكابتن في التنكر وسمت نفسها سيزاريو
اورسينو انسان رقيق يحب الموسيقى والعزف والاغاني اللي عن الحب وكذا فلما جاته فيولا ( سيزاريو ) قاله انه يعرف يعزف وعزف له مقطوعات واغاني .. المهم ان اورسينوا اعجب فيه مرره وخلاه من المقربين له وقعد يكلمه عن اسراره وحبه لأوليفيا وهنا تحركت مشاعر فيولا ووقعت في حب اورسينو ولكنها متنكره بزي رجال فما تقدر تعبر عن مشاعرها
المهم ان اورسينوا من كثر ما صادق سيزاريو (فيولا ) ووثق فيه طلب منه انه يروح لأوليفيا ويعبر لها عن حبه لأنه اكثر واحد يتكلم معه عن هالموضوع وفاهم مشاعره عاد هنا تورطت فيولا لأنها هي اصلا ذايبه في ارسينو وهو يبيها تقول لوحده ثانيه انه يحبها << قد ايش صعب الموقف .. :011:
المهم راح سيزاريو لبيت اوليفيا وطلب انه يقابلها اوليفيا رفضت تقابله للأسباب اللي ذكرتها آنفا ( ) المهم سيزاريو (فيولا ) اصر انه يقابلها وقال ماني متحرك من عندي بيتكم لحد ما اقابلها عاد هي كانت طفشانه والمهرج حقها كان قاعد يهذري على راسها ويقولها ان اخوها في مكان افضل في الجنه فليش تحزن عليه المفروض تستانس .. المهم صرفت المهرج وقالت جيبوا لي سيزاريو عشان اشوف وش عنده .. طبعا قبل لا يدخل سيزاريو لبست غطاها ..
دخل سيزاريو قال انا عندي رساله لأوليفيا ايكم اوليفيا ( اوليفيا كانت جالسه مع خداماتها ) قالت اوليفيا قولي وانا باتكلم بالنيابه عنها .. قال ماني متكلم الا مع اوليفيا لأني تعبت وصفيت كلام ومدري ايش ومانيب قايله الا لأوليفيا قالت اوليفيا انا اوليفيا قال طيب طلعي خداماتك برى لأن الكلام يخصك انت وهم مالهم دخل .. قالت طيب وطلعتهم المهم جا سيزاريو ( فيولا )عندها وقال شيلي الغطاء خليني اشوف وجهك قالت اوليفيا ما اظن ان هذا جزء من رسالة سيدك ولكني بشيل غطاي ويوم شالت غطاها قام سيزاريو (فيولا ) يتغزل فيها ويقول انها جميله وكلام نص كم عاد اوليفيا طارت من الوناسه وقام يقولها ان اورسينو يحبها وقعد يقولها كلام حلو يغازلها واوليفيا وقعت في حبه على طول وقال قول لسيدك ما في امل اني بحبه .. اول ما طلع نادت خدامها مالفولو واعطته خاتمها وقالت له هذا خاتم سيزاريو طاح منه روح رجعه له وقوله لو يبغى يعرف اسباب اني مافي امل احب سيده خله يجيني بكره نفس ذا الوقت وراح الخدام وسوا اللي طلبته منه وفيولا قعدت تفكر وش تبي ذا الانسانه منها تعطيها خاتم وتقول تعالي بكره واستنتجت انها وقعت في حبها وحزنت عليها لأنه انضحك عليها وحبتها على اساس انها ولد ( )
في واحد يقال سير توبي عم اوليفيا ساكن معها ومسوي قلق في البيت راعي شرب وقلة حيا وجاب معه واحد اسمه سير اندروز خبل مرره على الرغم من انه يتكلم 4 لغات وغني الا انه خبل عالآخر .. سير توبي ضحك عليه وقاله بزوجك اوليفيا وهو صدق وقعد في البيت ومسويه سير توبي مضحكه عنده وعند اخوياه
في خدام اسمه مالفولو مرره متكبر وشايف روحه وما يبتسم وهو مثال للكآبه ومزهق سير توبي في حياته وقال لسير توبي ان ما تعدلت بخلي سيدتي تطردك من البيت عاد سير توبي حقد عليه واتفق مع خدامه يقالها مارايا انهم يطردونه من البيت وسوو خطه .. كتبت مارايا رساله ( مارايا خطها نفس خط اوليفيا تماما ) وفي الرساله كاتبه انها تحب واحد تأمره وما يبتسم وودها تشوفه يبتسم وتحب بوته الأصفر وكاتبه حروف اسمه في الرساله عاد مالفولو صدق وصار طول الوقت مبتسم ويتمشى ببوته الأصفر وسير توبي والخدامه ميتين ضحك عليه واوليفيا زهقت منه ومن جرأته المفاجئه قالت اسجنوه وفكوني من وجهه
سير اندروز كل شوي يهدد انه بيروح لأن اوليفيا ما تعطيه وجه بس سير توبي يحلف عليه انه يقعد ويقوله اصبر على البنت شوي وبتغير رايها
فيولا (سيزاريو ) راحت لأورسينوا وقالت له عن اوليفيا وانها ماتحبه وقعد اورسينو يندب حظه ويسأل سيزاريو هل سبق ووقعت في الحب وسيزاريو رد عليه ايه حبيت بنت قال له كم عمرها قال في عمرك قال poor boy كان حبيت وحده في سنك .. عاد فيولا كانت تتكلم عن حبها له يوم انه يسألها ..
اليوم الثاني جاهم مهرج اوليفيا لأنه يغني في البيوت بفلوس وطلب منه اورسينو انه يغني له عن الحب ولما غناله تأججت مشاعره ناحيه اوليفيا وارسل سيزاريو للمره الثانيه لأوليفيا ولما جاء طارت اوليفيا من الفرحه وراحت له وقعدت تسولف معه وهو يقولها عن حب سيده لها وهي تقوله يابن الحلال انا ما احب سيدك انا احبك انت واعطته صورتها وقالت البسها عشان خاطري واخذها سيزاريو واهو متورط وقالها ترى انا مافي في قلبي مكان لبنت واوليفيا على امل انها تغير رايه فيها المهم سير اندروز شافهم وقال خلاص انا بروح اوليفيا تحب الولد هذاك وماراح تحبني .. طبعا سير توبي مايبيه يروح لأنه غني وخبل ويصرف عليه قام قاله انت فارس وشجاع وضحك عليه وقاله روح تبارز مع هذاك الولد تراه صغير وما يقدر يحارب .. سير اندروز صدق وكتب رساله واعطاها سير توبي وقال عطها سيزاريو وخلنا نتقابل عشان نتبارز بالسيوف .. اعطى سير توبي الرساله لسيزاريو (اللي هو فيولا البنت الرقيقه اللي ما تقدر تحارب بالسيف ) المهم قالت لا ما اقدر عاد هو شافه خواف قام قال لخويه جيبه وخلينا نخليه هو وسير اندروز يتبارزون واحنا نقعد نضحك لأنهم اثنينتهم مخفات وجبناء وهذا اللي صار
في نفس الوقت سباستيان وصل للجزيره ومعاه انتونيو اللي يلاحق وراه ويحبه .. انتونيو مطارد من الشرطه اللي فهالجزيره ولكن لأنه يحب سباستيان خاطر ودخل هالجزيره معه واعطاه كل فلوسه وقال خلها معك بتحتاجها .. وراح انتونيو في طريق وسباستيان في طريق واتفقوا يتقابلون عند مكان اسمه الإليفانت
وبينما انتونيو يمشي لقى سباستيان ( اللي هو فيولا متنكره as سيزاريو ) في مبارزه سيوف وهو اللي يجي من غير تفاهم يدافع عن خويه ويحارب سير اندروز وفجأه جاؤوا الشرطه وأخذوه عالسجن قال اصبروا شوي بآخذ جزء من فلوسي من سباستيان لأني بحتاجها قال سيزاريو أي فلوس اللي تتكلم عنها ؟ اصلا انا اول مره اشوفك بس تدري شلون بعطيك فلوس لأنك انقذت حياتي قال هذاك ايه انا اللي انقذت حياتك في البحر وهذا جزائي تجحدني .. ما توقعتها منك يا سباستيان واخذوه الشرطه عالسجن
عاد هنا فيولا قالت سباستيان !!!!!! شكل اخوي حي وانا مدري وركضت بسرعه وقال سير توبي لسير أندروز ورااه تراه خواف يمديك تهزمه بدون سيف وسير اندروز تحمس وراح يلاحقه الا قابل سباستيان وضربه بالقفازات حقته وقعد ينافخ عليه الا سباستيان عصب واخذ قفازاته ولعن خامس خامسه وطلع سيفه وهنا تدخل سير توبي وقام يبارز سباستيان واهو مستغرب من هالشجاعه المفاجئه
بهاللحظه جات اوليفيا ووقفت القتال وطردت سير توبي واخوياه وقعدت تغازل سباستيان على بالها انه سيزاريو وسباستيان قام يقول انا في حلم والا علم ان كان حلم ما ابي اقو منه ابد ..
المهرج راح للخدام المسجون مالفولو وقعد يستهبل عليه ويتنكر بزي قس شايب .. وسير توبي والخدامه مارايا معه يضحكون
مارايا الخدامه وسير توبي بينهم علاقه ... واتفقوا يروحون الغرفه ( :c8: ) ورجع المهرج عند مالفولو وطلب منه مالفولو ورقه وحبر عشان يكتب لأوليفيا وجاب له المهرج اللي يبي
سباستيان راح للمكان اللي اتفق مع انتونيو يتقابلون فيه ولكن انتونيو ما جاء وقعد يفكر باللي صار له مع اوليفيا ويقول يا انا انجنيت والا هي مجنونه لأن اللي صار شئ غريب بعدين قال يمكن تكون غلطانه مو مجنونه وشوي الا اقبلت عليه اوليفيا وقالت تعال معي عند هالقس ووثق حبك لي واعقد علي وعرسنا يكون في يوم ميلادي << ماعندها تفاهم البنت
سباستيان ما صدق على الله وراح معها وبهالوقت جاء المهرج لبيت اوليفيا معاه الرساله اللي عطاه مالفولو والا لقى عند الباب اورسينو جاي يقابل اوليفيا وقال للمهرج روح ناد سيدتك قال المهرج طيب الاشوي جاؤوا الشرطه ومعهم انتونيو ( قاعدين يتمشون فيه ) الا قال سيزاريو ( فيولا ) لأورسينو هذا الرجال اللي انقذني قال اورسينو الوجه ذا ماهوب غريبن علي لكن اخر مره شفته في الحرب .. طلع الرجال عدوهم!!
سأل الجنود وش الموضوع ؟ قالوا هذا انتونيو عدونا اللي قطع رجل ولد اخوك ! قال سيزاريو : وهو اللي انقذني قال انتونيو : وانا ماجيت هنا الا من حبي في هذا الشخص ( يقصد سيزاريو ) اللي انقذته قبل 3 اشهر واعطيته فلوسي ثم جحدني قال اورسينو : لا تكذب قبل 3 اشهر توه انضم لخدمتي !
الا اقبلت عليهم اوليفيا قال للجنود خذوا انتونيو وجات اوليفيا متحمسه لسيزاريو ( فيولا) وتعبر عن مشاعرها وفيولا تقولها اسمعي وش يبي منك سيدي .. قالت اوليفيا ان كانك جاي تعبر عن حبك ترى مافي قلبي مشاعر لك وانصدم اورسينو وقالها انتي قاسيه وسبها وقال ماعاد احبك ياقليلة الحيا لا بوك لا بو الساعه اللي حبيتك فيها الحقني يا سيزاريو قال سيزاريو : طيب قالت اوليفيا : وين رايح يا سيزاريو ومخليني قال سيزاريو ( فيولا ): مع اللي احبه اكثر من حياتي ومن زوجتي لو تزوجت << خشت الدور هع
المهم اوليفيا قالت ما اصدق اني انخدعت لهالدرجه قال سيزاريو ومين خدعك ؟ قالت اوليفيا امداك تنسى ؟ روحوا نادوا القس قال اورسينو امش معي يا سيزاريو قالت اوليفيا سيزاريو يا زوجي تعااال << خربتها
عصب اورسينو وقال زوجها ؟؟؟ قام سيزاريو يحلف انها مو زوجته واوليفيا تقول الا زوجي ولا تخاف يا سيزاريو منه خذ ثروتي لك وقله انك زوجي جاء القس وقالت اوليفيا اعلن للكل اني عقدت على سيزاريو وقالهم القس ان الكلام صدق وهو اللي عقد عليهم قال اورسينو لسيزاريو خذها واشبع فيها ولا عاد اشوف وجهك الا جاهم سير اندروز متصفق ورايح فيها يقول الحقوا سير توبي سيزاريو قاعد يصفقه الا طالعوا في سيزاريو كلهم وقعد اندروز يسبه قال سيزاريو : ليش تسبني عمري ما اذيتك انت اللي جيت وراي بسيفك وانا من حالي في شاني ومع ذلك ما اذيتك اشوي الا اقبل عليهم سير توبي ودخل البيت وهو يسب في سيزاريو وبعده جاء سباستيان وقام يتعذر من اوليفيا واوليفيا مندهشه ان في اثنين من سيزاريو
التفت سباستيان الا شاف انتونيو وراح له وقاله انتونيو انت عندك اخ توأم واشر على فيولا .. قال سباستيان من هذا اللي يشبهني وانا في حياتي ما كان عندي اخ !
من انت ومين اهلك .. قالت انا بنت رجال يقاله سباستيان واخوي اسمه سباستيان غرق في البحر
قال وانا اسمي سباستيان وعندي اخت اسمها فيولا غرقت في البحر لو انتي بنت كان بكيت لأنك بتكونين اختي
قالت ابوي عنده شامه على حاجبه قال حتى ابوي قالت ابوي مات يوم فيولا صار عمرها 13 قال حتى ابوي وحكالها تفاصيل ذاك اليوم قالت انا فيولا والدليل هو الكابتن اللي ساعدني اتنكر خلنا نروح للكابتن
راح سباستيان لأوليفيا وقال : كنتي على وشك ان تعقدين على امرأه قبل لا اجيك وقعد يعبر عن حبه لها
شاف اورسينو حب سباستيان واوليفيا اخذ سيزاريو ( فيولا ) وقال امشي للكابتن يثبت لي انك بنت قالت خلوا مالفولو يجي معنا عشانه يعرف مكانه قالت اوليفيا جيبوا مالفولو قال المهرج نسيت اسلم رساله من مالفولو يا سيدتي قالت اقرأها علي وقام المهرج يستهبل قالت لواحد ثاني اقرأ الرساله انت وقرأها الا بالرساله يقول انا صدقت مشاعرك وسويت اللي تبينه وبعدين سجنتيني وش السبب قالت اوليفيا : طلعوه من السجن وجيبوه لي ثم قالت لأورسينو : اتمنى انك تعتبرني اختك قال : من دواعي سروري
جابوا مالفولو ووراها الرساله اللي جته منها وقال انا صدقت كلامك قالت: هذي الرساله مو مني هذا خط مارايا الخدامه وتراها هي اللي اقنعتني انك انجنيت عشان كذا سجنتك الا قال صديق سير توبي كووول السالفه لأوليفيا من البدايه للنهايه وكيف انهم سوو هالخطه هو واندروز وتوبي ومارايا
اورسينو وقع في حب فيولا وقال انها من اليوم ورايح هي حبيبته واوليفيا مثل اخته