تفضلوا بجميع استفساراتكم عن هندسة البنات

[AssmaH]

المشاركة الأصلية كتبت بواسطة mirinoxd انا الي اعرفو انو تفاضل وتكامل هي اصعب مادة بالنسبة للمستجدين فكيف حاستها؟ ثقيله؟! ثااني شي حسيت الهندسة كويسة بما انها جديدة بس بعد ما اتطلعت على الخطة الدراسية حسيت المواد ممملله وصعبه! :( انتي بحكم انك مجربة دراسة الهندسة ممتعة ولالا ؟ وبالنسبة للوظايف ايش قالولكم؟ يوم التسكين لما سألت ممثلة كليتكم ما جاوبتي بشكل واضح وشكراً جزيلاً الله يوفقكم يارب

همم التفاضل والتكامل ما كان سهل بس برضه ما اقول انه كان صعب مرة او مستحيل يعني لو انك تفهمي اول باول وضعك بيمشي وبالعكس ممكن يكون سهل بالنسبالك , وغالب بنات دفعتي الحمدلله كانت نتايجنا حلوة

همم بالنسبة للمواد ترا احس الاسماء المواد ما تعبر عن المادة الفعلية يعني ممكن تقدري تبحثي في المنتدى اكثر عن طبيعية كل مادة من لسان الطلاب عشان تفهمي بالزبط ايش هي المواد , الي حسيته حلو بالنسبالي في دراستنا انه مو كل المواد عبارة عن مادة علمية تحفظيها وبعدين تحطيها في الاختبار يعني كثير مواد يكون اكبر اعتمادها على شغلك في السنة سواء كان من انشطة وواجبات و ابحاث او تطبيق عملي وتدريب مثل مواد الرسم او البرمجة فيعني مو كل الجهد يكون متركز على حفظك قبل الاختبار بليلة

بالنسبة لسؤالك اذا المواد حلوه صراحة وجهات النظر تختلف من شخص لاخر , يعني من جد فيه مواد بعض البنات يحبوها ويبغو يطبقولها حتى بعد ما خلصنا منها وبعض البنات ما صدقوا انه الكورس خلص

اما الوظايف يعني محد كلمنا مباشرة عن الموضوع بس رايي الشخصي انه اولا واخيرا هاذي كلها ارزاق من عند الله وكمان احس انه يعني المجتمع بيتطور وكثير شركات صار لها اقسام نسائية وبالعكس تسعى ورا البنات خاصة انه تخصصنا مميز وجديد في المملكة لو مرة نفسك تضمني وظيفة على ثاني سنة هندسة في برامج من ارامكو وسابك للبنين والبنات بحيث انه توقعي عقد معاهم انك تتوظفي عندهم اول ما تتخرجي بشروط معينة وانك لازم تحافظي على معدل معين لين تخرجك