مليت أشوف الناس اطيح من عيني !!

[الفاغر]

/

من ديواني ,,

/

مليت أشوف الناس اطيح من عيني ,,
,, ومليت أصبر وأشيل همي وأكابر

أقول باكر تقدر تنسيني سنيني ,,
,, ضاعت سنيني ولا بعد لاح باكر

مليت أجامل واكتم عبرة فيني ,,
,, وآتبسم وآنــا على الجرح صابر

مليت من قهر دنيا تلوي يميني ,,
,, وتكسر جناحي وأنا مكسور خاطر

من بعد ما كنت أنا أصبحت ويني ,,
,, محد درى بي غير ذيك الدفاتر

طحت ومن بعدها كثرت سكاكيني ,,
,, حسبي الله على هذا الزمن جاير

ضاقت بي الارض وكانت تآويني ,,
,, والصاحب الصدق صار للعيش ناكر

قالوا تصبر قلت ما عاد فيني ,,
,, أصبح شعار الناس حب المظاهر

الوقت ما يرحم والبعد يكويني ,,
,,والليــل طوّل وماأحسن من الليل باكر

وسلامتكم,,
أخوكم/محمد الشـــــــاعر