Black box

[Patricia]

قبل كم يووم رحت أنا وأختي السوبر .. وبعد ما خلصنا ووصلنا الكاشير إلا العربية اللي قدامنا حقت مرة كبييييرة بالسن وماشاءالله مليانة مرة، والآدمية مسكينة تنزل في هالأغراض من العربية وتوطي قمنا أنا وأختي قلنالها ياخالة نساعدك وانبسطت ما قالت لا .. وطلعنا كل أغراضها وجلست طبعا تدعيلنا ❤️

المحزن في الموضوع : وين عيال هالأدمية ! ليش ما يكفون أمهم ويقضون عنها أو على الأقل يجون معاها يساعدونها والله يالله تمشي، أصلا أنا أول مرة في حياتي أشوف وحدة كبييرة مرة بالسوبر !
إحنا الشباب ويالله فينا حيل حق التلفلف .. يعني البهايم اللي عندها بس فالحين يبلعون ! بالنهاية إحنا ماندري عن ظروف الناس .. يمكن يكون وراها سيناريو غير اللي أنا متخيلته .

الحلوو في الموضوع : إني اكتشفت إن مساعدة الناس شيء جميل ويعطيك إحساس بالرضا عن النفس .. فعلا لذة العطاء أجمل من لذة الأخذ ..

لو فيك في يوم تقدم مساعدة لأحد ما تتأخر، خصوصا كبار السن .. يكفي دعواتهم ❤️🌹