كيف أحصل على تصنيف أخصائي نفسي ؟ (الخطوات )

[بانا]

السلام عليكم


الاخ سقراط الغريب حابة اسئل عن شي جدااااا مهم

انا خريجة علم نفس و حابة تخصص علم نفس اكلينيكي وابغى اكمل في ذا المسار ،، اخذت خطاب الهيئة واعتمدت لي مدة التدريب 7 شهور لان لي 3 سنوات متخرجة وماقدمت على طول ع التدريب ،، والحمد لله قاعدة اتدرب الان ،،

السؤال المهم

بما ان ماجستير علم نفس الاكلينيكي غير موجود في جامعة الملك عبدالعزيز ،، اش التخصص الي يكون اقرب لة هل توجية وارشاد نفسي أو صحة نفسية ؟؟

جدااااااااا محتارة اش اختار تخصص بينهم،، والي محيرني اكثر ان تخصص صحة نفسية مدرج تحت مسمى علم نفس تربوي بكلية التربية

لمن اتصلت على عمادة الدراسات العليا واستفسرت عن الموضوع لان كنت افكر ان ممكن يشترطو شهادة تربوية اوش من هالقبيل ،، بس طلع العكس ممكن اقدم عادي وانا خريجة علم نفس عام .

بس خفت ان بما انو مدرج تحت مسمى علم نفس تربوي يكون التخصص من ناحية تربوية مش زي انا ماني متوقعة انو يكون قريب من الاكلينيكي


نصيحتك لياااا اذا عندك فكرة عن الموضوع ؟؟؟ او اش تنصحني من وجة نظرك؟؟ لوحدة تبغى تكمل في مسار اكلينيكي لان جد احس ماني مقتنعة بفكرة اكمل في شي اقرب لة ،، بيكون تضييع للجهد ومش في التخصص الي اتمنى اكمل ماستر فية .


والي عندو فكرة كمان يتفضل ويقدم نصيحتوو ،، الله لا يحير مسلم وجزااااكم الله كل خيرررررررر