شــكـــراً وزآاآاآارة الــتــحـــطــيـــم ( التعليم ) !...!!!

[لصق]

بقدر الكد تقتسم المعالي و من طلب العلي سهر الليالي

يروم العز كيف ينام ليلا يغوص البحر من طلب اللآلي

و من رام العلي من غير كدٍّ أضاع العمر في طلب المحال



صراحه مو قادره اعبر عن شكري لوزارة التحطيم...
من جد ماشاءالله عليها مافي زيها من جد اثبتت دورها وبجداره في تحطيم الطلاب والطالبات...

بذات في الطالبات حسستني ان ايام الجاهليه رجعت اجل العيال اربع اختبارات وياخذوا الاحسن والبنات
واحد ولا عذر اقبح من ذنب يقولون اختبار الطالبات يحتوى على الجزء
التحصيلي الذي لا يمكن أن يقدم إلا بعد التخرج من الثانوية وهو المطبق على الطلاب كذلك يعني ما يقدرون يخلونا زيهم....

احس ان مافيهم حيل يكتبوا الاسئله ويصححونها ترى ما عندي مانع اكتبها واصححها بعد بس اهم شي اتوا ترتاحوا ....

ما ادري ليه كمان احس انوا اللي طلع القرار هذا ما عنده بنات ولا معليش نسيت اصلا ما اتوقع لا بناتوا
ولا عيالوا دخلوا اختبار القدرات ضمنين الجامعه بس يا خوفي يكونوا حتي ما درسوا الثانويه والله هالايام
كل شي جايز اجل وحده جايبه ٩٩ ما تدخل الجامعه عشان ما
حلت زين في القدرات وغيرها عشان عندها واسطه تدخل ونسبتها اقل منها بكثير في القدرات والتراكمي
صراحه اتوقع اللي دخلوا الجامعه انتظام ١٠٠ وحده ٩٨ منهم بالواسطه والثنتين دخلوهم بس تسكيته ....

والله جد ما سارت حاله الواحد ما عاد ينام مرتاح يخاف على مستقبله بالله بدون شهاده وين اروح دحين
بالشهاده وبالقوه تلاقي وظيفه اجل بدون شهاده وش اسوي لا تقولوا بنت مو لازم تتوظفي بالله انا ظامنه ان ابوي الله يطول بعمره انه دايم لي واخواني اذا افتكروني
اليوم بينسوني بكره من عيالهم وزواج يا كثر العوانس واذا اتزوجت صراحه ما ضمن لساني اخاف اتطلق بالله ذيك الساعه مين بيلمني لا وظيفه و لا شهاده واخواني كل واحد مشغول بأهلوا واصلا مو
مساؤلين عني وش تبوني اسوي يا وزارة التحطيم ذيك الساعه اصرق ولا اشتغل في البيوت ويا خوفي
حتى هالوظيفتين يطلبون فيها خبراء وشهاده والله الزمن محد يضمنه....

ليه كدا من جد شي يقهر احنا ما قلنا ما نبي اختبار قدرات بس خلوها اكثر من مره والله مره وحده
مررره صعبه امكن ذاك اليوم اكون متوتره اكون خايفه او مو رايقه او تعبانه نفسيا او جسديا او المخ مقفل
وياما قفل واحنا في امس الحاجه له ارحموا من في الارض يرحمكم من في السماء الواحد سار يخاف
يتمنى يخاف انه يتحطم

وبعدين تعالوا السعوديه ما شاء الله وش كبرها ما فيها غير كم جامعه وهي تعتبر من اغني الدول جامعة
الملك عبد العزير فيها من كل صوب وين ما سارت المفروض كل منطقه تحطون فيها جامعه ولا تبونها
من الله محد يدخلها ووي منكم جننتونا والله ما سارت حاله ...



طلاب طالبات آول وثآني و ثالث ثانوي
ساروا فئران تجارب [ لوزراة التربيه والتعليم]
كل مره مطلعين قرار اخص واللعن من اللي قبلوا
مره القدرات لها 50%
ومره 30%
وفي الاخير مافي جامعه 100%
والله احنا الغلطانين اللي اعطناهم وجه من جد يعني اذا صاحبك عسل لا تلحسه كله
صبرنا عليهم كفايا بس الحين بنوقفهم عند حدهم وبنسوي اضراآاآاآاآب عن الدراسه يوم واحد
ياريت الكل يغيب في هاليوم

16/6/1430




احلام كبيره...
وطموح اكبر...
امنيات كثيره...
وصعوبات مريره...
الاحلام تلاشت...
والطموحات تبخرت...
وامنيات بالواقع اصدطمت...
والصعوبات كبرت...
اتمنى ان اصبح يوما طبيبه...
او ان اصبح محاميه...
ولاكن كل هذه مجرد احلام جميله...
وفي هذا الزمان اصبحت افكار غبيه...
فكيف اتجراء واحلم بخيال...
لا يميت بالواقع بائي وصال...
فكيف احلم وهناك وحش محتال...
يقتل كل الامال...
شبح مخيف وكابوس مرعب...
القدرات هي الاختبار الاصعب...
والاختياري المرعب...
اصبح كابوس يطارد الطلاب...
وللاحباط جلاب...
فكم من طالب بالاختيار...
حايس ومحتار...
وفي نهيت كل اختبار...
يجي الوزير ويقول كم اعتذار...
وانا الطالب المسكين انحرق بالنار...
اه من ورقه جننتني...
وللمصحه دخلتني...
وابوي بالعقال ضربني...
يقول ليه حطمتني...
كنت باني عليك امنياتي...
ورافع فيك ياولدي راسي...
قلت يبه سامحني...
الاحلام علقتني...
والقدرات بالارض رمتني...
ولا اقلكم عن حال فلان...
في الشوارع فلتان...
وبحبيبته هيمان...
فاضي ومن زود الفضاوه حيران...
يروح تركيا ولا لبنان ....
ولا خويه حالته حاله....
بداء بسيجاره...
وسار من السكاره...
كله من العطاله....
خلته دايم مع عيال الحاره...
وامه مسكينه محتاره....
وتقول ولدي وش جراله...
ولا علان اقولكم وش اخر الاخبار....
كان بالبنان له ينشار...
من زود الشطار...
ولحين سار مثله مثل الجدار...
اربع وعشرين ساعه في الدار...
تلعب فيه الافكار...
كيف يصرف على عشر انفار...
مرات يفكر في الانتحار ....
واهله يدعون ان ما يصيبه انفجار....
ولا اقول عن حال فلانه....
كانت بالتسعه والنسعين فرحانه....
وخرجت من اختبار القدرات زعلانه....
وجات نتيجة القدرات وطلعتها كسلانه....
وكيف بتخبر ابوها هي حيرنه....
وهي اللي كانت تشد حيلها عشانه....
ولا اقول عن هذاك الولد الواصل....
كان فالدراسه فاشل....
بس تختلف عنده الاحوال....
ابوه يعرف واحد رجال....
دخله الجامعه بحتيال....
كان مريح البال....
وانا المسكين اروح للمدرسه موصال....
وفي الاخير اشتغل سنترال....
واخر الشهر اسلم مرتبي الف ريال....
بدون شهاده وش تبي تنال.....
وفي اخر الكلامي....
بوجه لوزاة التحطيم سؤالي...
مو الظلم اللي جرالي....
تعب سنيني اللي طافوا وحالي....
يروح كله في يوم من اليالي....
تعب ١٢ سنه من حياتي....
تعتمد علي يوم من الايام الخوالي....



حقون الثانويه
اش رايك بالقدرات معاه ولا ضدوا ؟؟؟

راح تغيب في يوم الغياب العالمي ؟؟؟

للكل
اول شي
انشر تؤجر ===> احلفي يا شيخه
المهم انشر عن يوم الغياب بليز ما نبي احد يداوم وترى هاليوم جاني خبر عنوا لا احد يسوي فيها ويقول ماهو سامع كلامي اذا احد داوم قولولي عشان اروح اكفخوا===> يا شخصيه والله من جنبها

ثاني شي
لا تعلق على اخطائي في الإملاء لاني انا مسويتها حركه ===> أحلا يا حركات

ثالث شي
لاتقول ثرثاره لاني عارفه ذا الشي وانت/ي مو اول واحد/ه يقولي هالكلمه...

رابع شي
عارفه ان كل هالهذره كلام لا يودي ولا يجيب والوزارة ماشاء الله ياجبل ما يهزك ريح
ولا كان في احد يعاني من قراراتهم ...

وهـ تعبت ..
بس...