تعبت من المرمطه بين فروع الجامعه ابي حل

[m3aly]

السلام عليكم و رحمه الله و بركاته
حبايبي بدخل بالموضوع ع طول
انا طالبه من جامعه القصيم قسم اداره اعمال و اقتصاد انتقلت للسكن بجده و بناء عليه اضطريت اقدم طلب تحويل خارجي لجامعه الملك عبدالعزيز علما بان معدلي 4.93
و من هنا بدت المرمطه المفروض انقبل من بدايه العام السنه الماضيه لكن تاخر القبول و لما راجعتهم بعد ما انتصف الترم قالوا لي انه المفروض انك مقبوله بس مو مشكله راح نعطيك فرز و تكونين معنا من بدايه الترم الثاني جيت الترم الثاني و حصلتهم حاطيني بالشرفيه مسار علمي لاني بالثانوي كنت علمي حاولت اوضح لهم انه انا الان قسمي اداره اعمال و بكمل فيه فليش ادرس كيميا و فيزيا و هالكلام هذا كله و لا حياه لمن تنادي لما رحت للشرفيه قالوا اذا بتكملين بقسمك ترا احنا مسارنا علمي يعني لو تجيبين 5 ما راح يسكنوك اداره اعمال. !! و قدمت طلب تحويل مسار و حولوني للسلامه مسار اداري و ع ما نزلوا لي جدول كان الترم انتصف و راح علي كثير فقدمت اعتذار ع اساس ابدا السنه هذي
المشكله الان انه السلامه مرااا بعيد عن سكني و ما فيه حضانه بنفس الفرع و انا عندي بنتي عمرها يا دوب شهرين ابي احول للسليمانيه لقرب السكن و وجود حضانه بنفس الفرع كيف الحين ابي يحولوني من بدايه العام ما ابي التمرمط الى نص الترم :$

و يا ليت اللي يعرف رقم فرع الفيصليه يفيدني عشان اتواصل معهم بخصوص التحويل