معاناة طلبة وطالبات الانتساب.. (أتمنى المشاركة)

[طالبة منغثه]

السلام عليكم ورحمة الله وبركاته

اتمنى من إدارة المنتدى عدم حذف الموضوع
لأنه ممكن أحد يسمعنا ينتبه لوجودنا.

أنا من دخلت الجامعة وللأسف وانا محطمة واحاول اقاوم حتى اتخرج ..
كلنا نعرف الانسان بدون شهادة في هذا الوقت ماتمشي اموره في أي وظيفة يطمح لها.
جامعتنا للأسف جالسه تضغط علينا نفسياً ومعنوياً..

اولاً.. موضوع الانتساب:
حتى يوماً هذا وانا الى الآن ضايعة على (شهادة الانتساب) ..
هل ياترى راح تفتح لنا مجال في العمل والوظائف!!
سواء حكومية او قطاع خاص ،
أو طالبـ/ ـة الانتساب راح يكون مثله مثل الشخص بدون شهادة؟!
مع العلم ان احنا كطلبة انتساب ماعندنا مجال في تحصيل الدرجات الا في الاختبارات النهائية ومع هذا ماشاء الله في ناس درجاتها ممتازه.
ولكن كثر الكلام في موضوع قبول شهادتنا وعدم قبولها.
واللي يقولون مقبولة او غير مقبولة عطونا شي رسمي من وزارة التعليم يضمن لنا بأن تعبنا مايروح على الفاضي ،

وبالنسبة لخريجي الانتساب:
اللي ماكان عندهم وظائف يعطونا ايش صار معاهم بعد التخرج ولما قدموا هل قبلوا شهاداتهم!!
هل كان في صعوبات وعقبات وتعجيز بسبب شهادة الانتساب!!
اللي عنده اخ اخت صديق صديقة قريب قريبة تخرج من جامعة الملك عبدالعزيز (إنتساب) يعطونا تجاربهم بعد التخرج في الوطائف
ملاحظة:
نبغى تجارب طلبة وطالبات ماكانوا موظفين من الاساس وقت دراستهم في الجامعة.
------------

ثانياً.. موضوع الرسوم:

جامعة الملك عبدالعزيز ماعندها اي ادنى مراعاة لظروف بعض الطلبة والطالبات في تسديد رسوم الجامعة.
وأكثر معاناة الطلبة اللي يختبرون مناطق كل سنة يدفعون بالترم 4000 ريال ، 3000 رسوم الدراسة ، 1000 رسوم حجز مقعد للاختبار في منطقته.

اتكلم عن نفسي وعن معاناتي في الرسوم..
أنا مو موظفة
والدي عنده ديون والباقي من الراتب يكاد يكون شيء لايذكر
وكلنا نعرف كيف الفتره الاخيرة ارتفعت الاسعار بكل شيء
كهرباء ، ماء ، تليفون ، انترنت ، اكل وشرب ، ملابس ، مستشفى ، مواصلات .. وغيره وغيره نحتاجها وضرورية في حياتنا
كل هذي الامور ماتحتاج لها مصاريف؟
أكيد تحتاج .. وانا كل ترم اطلب منه 4000
هنا راح يضطر اما يحرم البيت من بعض الضروريات او يضطر يحط على نفسه دين جديد .. هل هذا يرضي الله !!
وجامعتنا للأسف لا يسمعون ولا يقدرون ولا يحسون بمعاناة الطلبة أهم شي ياخذون ولا يعطون.

مع كل ترم تبدأ المعاناة،
مانقدر نضبط الجدول ونختار الاساتذة والدكاتره اللي نبيهم الا بعد التسديد وللأسف مانقدر نسدد الا على نهاية التسديد ويكون كل شي راح واحيانا مواد ما اقدر انزلها لانهم اكتفوا..
بعدها يجي وقت المعاناة الأعظم وهي (الاختبارات)..
طبعاً يمكن هالشي يكون اهون بالنسبة للي ساكنين بجدة الرياض بريدة كل المدن اللي فيها مقر الاختبارات بينما اللي مثلي مازلنا نعاني من هالموضوع.
قبل كنا لازم نسافر لجدة ، وكنا مضغوطين من امر مصاريف السفر [التذاكر + الإقامة + المواصلات]

وبعدين فتحوا مجال || لاختبارات المناطق || البعض ارتاح شوي وخفف عليه من مصاريف السفر والاقامة..
لكن البعض زاد المصروف عليه (يعني) اروح للرياض [استأجر شقة + مواصلات + الف ريال حجز مقعد اختبار]
ومايحتاج نقول عن الاجارات كيف غالية ..
بالذمة قولولي مو ظلم!
ارجوكم لا أحد يجي ويقولي كلام يحاول فيه يبين انه هو ايجابي لان محد بيحس بالمعاناة هذي الا اهلها
انا نفسي اتعب نفسياً وانا احس اني جالسه اضغط على اهلي بالمصاريف .. خلتني اكره نفسي واكره المذاكره بس احاول اتخرج باللي هي والاقي وظيفه اقل حاجه اساعد نفسي لان اهلي مايبون غير اني اعين نفسي ولا احتاج لمخلوق.

وكلامي الطويل هذا والله شي بسيط من المعاناة واللي اعانيها انا وكثير مثلي .. وماكتبت هالمعاناة عشان نطلب مساعدة من احد الله يغنينا عن عباده .. نبي المسؤولين بالجامعة او بالوزارة يحسون فينا شوي يخففون من الضغط المادي والنفسي والمعنوي.

نبي ننزل جداولنا ونرتبها مثل التعليم عن بعد في جامعة الملك فيصل لأن ما ادري جامعتنا نفس النظام؟
ماقلنا نختبر بدون رسوم لا بس نرتب الجدول وندفع
نبي يخففون علينا من رسوم الجامعة 3000 كثيرة علينا
نبي يلغون رسوم اختبارات المناطق 1000 نبي مثل باقي الجامعات نختبر في مدارس في اي مكان.

طلبنا شي مو صعب ولا مستحيل .. خلونا نذكركم ياجامعة المؤسس بالخير خلونا نتخرج ونشتاق لايام الاختبارات مع اننا مانداوم فيها بس خلونا نذكركم بالخير.