سويت سحب عصب + حشوة ( التفاصيل بالداخل )

[SPARKEL]

سلام عليكم

ان شاء الله الجميع في اتم الصحة والعافية

اخوكم امس رجع من المستوصف بعد عملية سحب عصب و حشوة

و في بالي عدة اسئلة شاغلتني من رجعت

1- سحب العصب حسب ماقريت ان العملية تاخذ ساعة اقل شيء وفيها ادوات كثيرة منها قطعة مطاط تعزل الضرس عن اللعاب و الضروس الثانية .. الخ

لكن انا ماسوا لي هالامور ابدا ، حتى بنج ماكان فيه !! ، على عكس اللي سمعته ان سحب العصب مؤلم جدا و البنج لابد منه ، طبعا اول مابدأ حسيت بألم حاد جدا لكنه اصر وكمل وقال اني مابحس بشيء بعدها ( وطلع كلامه صحيح )

الحين اللي سواه لي سحب عصب ( Root Canal ) ولا شيء ثاني ؟

2- الحشوة اذكره قال للمساعدة املجام او شيء زي كذا ، وهي الفضة حسب ماقريت

مشكلته ان السطح اممممملس مافيه رؤوس مدببة مثل الاسنان الطبيعية ، فماادري وش استفدت من القروشة ذي كلها اذا هذي نهايتها

و مابقي الا جزء صغير من الضرس يالله يبان في طرف الحشوة ( لو اني خلعت كان اصرف ) برضه عكس مايقول قوقل !!

والالم بعد العملية ماظهر الا اليوم اللي بعده وكان يجي عند المضغ فقط ( حاد لدرجة اني اعتدمت ع السوائل في الاكل )

الشيء الوحيد اللي باقي انه قال تعال الاسبوع الجاي عشان المع الحشوة فقط

ماادري هو توه مبتدأ ومايعرف وش يسوي ولا العملية المفروض تكون كذا ؟

وواعتذر اذا ثقلت عليكم بالاسئلة 😅