استفسار بعد التخرج (انا خريج) علم نفس

[االعلي]

السلام عليكم ورحمة الله وبركاتة

كيفكم ان شاء الله طيبين

انا متخرج 2018 جامعة الملك عبدالعزيز الي هو في رمضان الماضي استلمت الوثيقة معدلي 4.31

قدمت على البعثة ولسه عشان الماجستير بكمل + شهر اربعه يفتح الماجستير (جامعة الملك عبدالعزيز )عندنا

الحين انا محتار لو ما انقبلت في البعثه راح اقدم في جامعتنا ماجستير(جامعة الملك عبدالعزيز ) علم نفس طبعا بختبر الستيب لانه الاسهل حاب اعرف كم شغله لو ماعليكم امر

اولاً : الماجستير في جامعتنا لو ماجبت المعدل المطلوب في الاستيب في دورة صحيح ؟ يعني اقدر انقبل ماجستير

انا حاط خطة لو ما انقبلت ابتعاث بقدم ماجستير

ثانيا: الحين انا عاطل حرفيا ما قدمت في هيئة التخصصات لاني انتظر البعثة لو ما انقبلت فيها وحاب اقدم بعدها هل في فترة التدريب في شهادة خبره + ماعندي تربوي كيف اخذ تربوي

لاني حاليا قاعد اشوف وظايف بس كلهم يبغون تربوي حتى في المدارس الاهلية ابغى مؤقته كيف اخذ التربوي في علم النفس + هل الوظايف الخاصة تأثر في تقديم الماجستير(جامعة الملك عبدالعزيز )

لاني مرة محتاررر قاعد انتظر البعثه لو ما انقبلت بنتظر الماجستير في جامعة الملك عبدالعزيز وبكون كذا سحبت على حقت الهيئة الرخصه ما ابغى اضيع الفرصة ف محتار حاليا بين الماجستير والوظيفة ولرخصة

في شباب قالو لي ان الرخصه مو وقتها ماراح تستفيد ف ايش رايكم

ايش مميزات الرخصه وهل وقت التدريب لو قدمت الحين اقدر اكمل ماجستير لان التدريب اظن يكون 4 شهور وشهر 4 يفتح الماجستير ف ايش الحل ؟ وهل اقدر اخذ تربوي لاني احتاجه وسؤال اخير

لو ابغى تدريب وخبرات هل الهيئة تقدمها لان مافي مالقيت مررة وكل وظيفة لازم خبره حرفيا انا متخرج كيف بدبر خبره

وعذراًً على الإطالة