كلمات رائعه للامير عبدالرحمن بن مساعد‎.

[جافنشي]

كلمات رائعه للامير عبدالرحمن بن مساعد‎.

السلام عليكم ورحمه الله وبركاته:

هاذي روائع اعجبتني من الشاعر الامير/عبدالرحمن بن مساعد

اتمنا انها تعجبكم

المشهد الاول

وحدة مزيونة بالحيل.......و حبيبة ...
بس تخون!!!!
وش اسوي بجمالها؟؟
بياخذها الزمان و تبقى عجوز......
عادي........طاح الحطب.......... و حلوة الحياة

المشهد ال ثاني

غني و ظالم .........
يطرد المساكين......و يستغل الضعوف
مغرور و فاسق......
و مجلسه عامر ........
كلٍ يبهر له........
و مع ذلك يجمع حسنات.......من كثر اللي يسبونه
عادي.........طاح الحطب.......... و حلوة الحياة

المشهد الثالث
يكد يدرس و يشتغل.........
لاجل يبني مستقبله.......
تزوج و جاب عيال......ثم تقاعد
صار يسكن في مكان.....و أم عياله في مكان
والسبب العيال......
صار دار المسنين بيتهم............
عادي........طاح الحطب.......... و حلوة الحياة

المشهد الرابع
مرفوع الكفن أبيض .......
وصاحبه وسط البياض.........
بعضهم يبكي.......و بعضهم عادي
دفنوه.....و تبكبكوا شوي
و اخر الليل سكارى.........
عادي........طاح الحطب.......... و حلوة الحياة

المشهد الخامس
سيارة مسرعة ........
و تدعس لها واحد.........
مسكين هندي..........
و العسكري صديق الطايش ........
والخطا نصه على الهندي......
والباقي على أبو الطايش ............
و في الليل.....الطايش يلعب بلوت
عادي........طاح الحطب.......... و حلوة الحياة

المشهد السادس
قارورة مويه ......
ما تضره .......طايحة في السيارة
يناظرها بغضب.......زعلان منها
و يفتح الشباك .....و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي........طاح الحطب........... و حلوة الحياة

المشهد السابع
اهم شي الثوب نظيف.......و الشماغ مكوي......
و القلم ماركة......والساعة تضوي......
و الجزمة جلد.......والسيارة عجب ......
و تلفونه م ا يسكت......
إما بنات.....
أو البنوك تبي فلوسها.......
..عادي.........طاح الحطب.......... و حلوة الحياة

المشهد الثامن
سطحية .......و مغرورة
غبية......و متكبرة......و يا ريتها حلوة
تب ي زوج مواصفات......
ما يقول لا.......ويكره الاستراحات
لازم وسيم.....و انيق.....و متعلم.....و دخله ممتاز
و يحب السفر.........
و بعد سنين.......تلاقي نفسها في الانترنت
تدور واحد يقبل بها........
عادي........طاح الحطب.......... و حلوة الحياة

المشهد التاسع
فتح الكمبيوتر......
و دخل للمنتدى......و كلامه ما يتعدى ان الموضوع روعة و رهيب
و هو ما قراه و لا يعرف كاتبه........
بس يبي يزيد المواضيع موضوع .........
ويزيد همومنا هم.........
علشان يصير صاحب الألف موضوع......
و يتميز........
والمشكلة انه يتميز ...........
عادي........طاح الحطب.......... و حلوة الحياة

المشهد الأخير
الكذب اثم.........ومع ذلك نستخدمه
و ندري ان هذا حرام........و مع ذلك نجربه
نتذكر السهرة و الفرح و السفر.......
و ننسى الجالسين على كتوفنا .........
و نتناسى ان معهم كتاب يسجل افعالنا و نياتنا.......
كل شي محسوب.......
حتى النظر ......
نسينا ان ورانا يوم.......علاماته قربت
ومع ذلك كلنا ناسين.......
أن بقيت على حالك تتناسى .......لازم تعرف
إن ذاك اليوم مهوب عادي
وانت الحطب
و ما به حياة